Pamocor bulilyaso sa basura
Tan-awa ra. Nagkaboangboang na ang paghakot sa mga basura dinhi sa dakbayan gikan sa
transfer station sa Inayawan landfill pa-ingon ngadto sa sanitary landfill sa lungsod sa Consolacion sukad mi-take over ang Pasajero Motors Corp. (Pamocor) niadtong Hunyo 1.
Ang Bids and Awards Committee (BAC) mi-award sa kontrata ngadto sa Pamocor human ma-disqualify ang Jomara Konstruckt sa bidding niadtong Mayo 16 gumikan sa kapakyas niini sa pagsubmiter og tax clearance gikan sa Bureau of Internal Revenue (BIR).
Ang bid price sa Pamocor mokabat sa P1,333 matag tonahe samtang ang Jomara, P1,300 matag tonahe sa basura nga mahakot. Ang tag-iya sa Pamocor mao si Kasambagan Barangay Captain Franklin Ong, kaalyado ug campaign
fund contributor sa "kanhi laos nga pulitiko" ug sa BOPK.
Sukad niadtong miaging semana, gipahunong una ang paglabay og nga basura ngadto sa transfer station gikan sa kabarangayan gumikan kay napuno na kini tungod kay wala ma-atu paghakot sa mga trak sa Pamocor.
Matod pa kini kay wala silay backhoe ug pay loader didto sa transfer station. Backhoe pa kuno sa City Government ang gigamit sa Pamocor ug ang nakaparat kay nahutdan pa gyud og gasolina. Unya kulang ang gi-dispatch sa Pamocor nga mga garbage trucks.
Gumikan niini, wala usab manghakot ang mga barangay sa ilang basura kay gipasirad-an naman ang transfer station. Dili man sab puwedeng himoon nga transfer station ang ilang barangay hall ug gymnasium. Ang nahitabo nga napasagdan ang mga basura sa mga barangay nga mao usab ang gireklamohan sa mga molupyo. Wala ni mahitabo sa panahon sa Jomara.
Nganong gi-award man ang kontrata ngadto sa Pamocor nga dili man diay andam ang maong kompaniya sa ilang mga equipment? Dili ba istrikto man ang BAC ani nga bisan ang pinakagamay nga aspeto sa bidding ila gyud nga utingkayon? Wala diay nila suknaa ang Pamocor kabahin sa ilang mga equipment? Tiaw nimo nang backhoe pa sa city hall ang gigamit? Unya gi-abangan kaha to? Mao ni resulta sa favoritism ug kurapsiyon. (bobby@