Preliminary investigation
Sa dili pa ipasaka ang kaso sa hukmanan, mag-agi kini sa usa ka preliminary investigation. Sumala pa sa Rule 112, Section 1, Revised Rules on
Criminal Procedure, “Preliminary investigation is an inquiry or proceeding to determine whether there is sufficient ground to engender a well-founded belief that a crime has been committed and the respondent is probably guilty thereof, and should be held for trial.” Nidugang kini sa pag-ingon, “a preliminary investigation is required to be conducted before the filing of a complaint or information for an offense where the penalty prescribed by law is at least four (4) years, two (2) months and
one (1) day without regard to the fine.”
Ang preliminary investigation magsuta kon duna bay igong sukaranan nga nahimo ang usa ka krimen ug ang sinumbong hayan nga sad-an ug kinahanglan nga bistahon ang maong kaso. Usa kini ka inquisitorial process kansang tumong mao ang pagsuta kon nahimo ba ang usa ka krimen o daghang mga krimen ug si kinsa ang mga tawo nga responsible niini.
Di kini usa ka trial on the merits kay igo man lang kini nga sukaranan sa piskal sa pag-andam sa iyang complaint o information. Ang tumong lang niini mao nga usisahon kon duna bay probable cause sa pagpasaka sa kaso.
Usa lamang kini ka statutory right, katungod nga gihatag sa balaod busa mahimo kini nga i-waive sa usa ka akusado. Apan mahimo nga mo-insistir ang usa ka akusado nga ipaagi ang kaso sa usa ka preliminary investigation sa dili pa siya basahan sa kaso ug moingon nga sad-an o di sad-an.
Kon di siya mo-insistir nga ipaagi ang kaso sa preliminary investigation ug nabasahan na siya sa kaso ug nipadayag na siya nga sad-an o di sad-an, isipon nga gi-waive niya ang katungod sa preliminary investigation.
Mahimo bang i-dismiss ang kaso tungod kay wa mag-agi og preliminary investigation? Di maka-dismiss ang korte sa kaso nga wa mag-agi og preliminary investigation. Ang buhaton sa korte mao ang paghimog preliminary investigation o pagmando sa piskaliya sa paghimo niini.
Ang preliminary investigation gikinahanglan sa mga kaso kansang silot mao ang pagkabilanggo sa labing menos upat ka tuig duha ka buwan ug usa ka adlaw, gawas lang kon ang akusado nasikop pinaagi sa lawful arrest without warrant.
Kadto nasikop pinaagi sa warrantless arrest mag-agi sa inquest proceeding subay sa Department of Justice Circular No. 61, series of 1993. Mahimo silang mohangyo nga mag-agi og preliminary investigation apan kinahanglan nga mo-execute og waiver of detention ubos sa Article 125 sa Revised Penal Code. (edbarrita@
“Yes, I will file a resolution as regards the exclusion of Tabal in the SEA Games. I think it is my duty as a Cebuana to help a fellow Cebuana who showed excellence in her field. - Deputy Speaker Gwendolyn Garcia