Beermen, Gin Kings nakasulod sa semi-finals

Parehong mingsubay sa mas mubo nga agianan ang magsuong teams San Miguel Beermen ug Brgy. Ginebra Gin Kings sa ilang pagsulod sa semi-finals sa Philippine Basketball Association (PBA) Commissioner’s Cup sa miaging adlaw sa Araneta Coliseum.

Ang Beermen ug Gin Kings, nga parehong adunay twiceto-beat nga bintaha, ningdispatsar dayon sa ilang tagsatagsa ka kontra sa premiro nilang duwa sa quarter-finals.

Ang Beermen ningmakmak sa Phoenix Fuel Mastets, 11596, sa premirong duwa samtang ang Gin Kings ningpukan sa GlobaPort Batang Pier, 9685, sa main game.

Nagbangis ang import sa Gin Kings nga si Justin Brownlee ug gipangulohan niyang ilang kadaugan pinaagi sa

iyang 39 puntos.

“When Justin is knocking down his shots, that helps a lot, but I thought the defense of Japeth was the key on what we

needed in this game,” asoy ni Gin Kings coach Tim Cone.

Kuyaw sab nga nakaduwa alang sa Gin Kings mao ang si Japeth Aguilar, kinsa miamot og 21 puntos.

Ang Batang Pier gipangulohan sab sa ilang import nga si Justin Harper, kinsa nipupo og 29 puntos, samtang nitunol og 22 puntos si Terrence Romeo.

Sa hinapos nga bahin sa duwa diin tataw na ang unta ang kadaugan sa Gin Kings, nagkabangi sila si Romeo ug Gin Kings guard LA Tenorio nga miresulta sa pagka-ejected ni Romeo.

Ang Beermen ninghubog dayon sa Fuelmasters sa sayong bahin ug nakontrolar niini ang kinatibuk-ang duwa.

Ang Beermen gipangulohan ni Marcio Lassiter pinaagi sa iyang 26 puntos, nitunol og 20 puntos si Alex Cabagnot, niamot og 15 puntos si JuneMar Fajardo samtang nihatag og 14 puntos si import Charles Rhodes.

Ang Beermen ug Gin Kings pareho naghuwat pa og kinsa ang ilang makontra sa Semi-finals series.