KD FINALS MVP
Daghan ang nakasaway kang Kevin Durant sa iyang pagbalhin sa lig-on nang daan nga Golden State Warriors niadtong Hulyo apan lisod kuwestiyunon ang maong lakang human napakita sa kanhi MVP kon unsa siya ka haom sa gitawag og “super team” sa National Basketball Association (NBA).
Si Durant napiling Finals MVP human nabawi sa Warriors ang NBA title gikan sa Cleveland Cavaliers kagahapon.
“I remember the first day of camp and I walk into camp, and I didn’t know what to expect, I didn’t know what these guys were like on the court,” matod ni Durant.
“I just wanted to come in there and just be me. And I did that from day one, and I just tried to stay with that.”
Sa iyang pag-angkon sa labing una niyang titulo, si Durant kanunay nga nakigparang sa usa sa labing maayong basketbolista sa kalibutan nga si LeBron James sulod sa lima ka mga duwa.
“Experience is the best teacher in life, and he’s just experiencing and experiencing and experiencing,” paghulagway ni James kang Durant. “He felt like he needed to reassemble and reassess his career and come here.”
Sa wala pa siya mibiya sa Oklahoma City Thunder aron motapon sa Warriors, si Durant gikonsiderar nga usa na sa labing maayong magduduwa sa kasaysayan sa NBA.
Ning maong finals series nga nadaog sa Warriors, 4-1, si Durant nag-average og kapin sa 30 ka mga puntos.
Wala’y paglubad ang duwa ni Durant sa tibuok season. Gilauman nga mas taas pa ang maabot ni Durant ubos sa kampo sa Warriors.
“I’m just happy for him. He’s had an amazing career, but he just took it to the next level,” matod ni Warriors head coach Steve Kerr. “He was incredible all season long. He had an amazing series, just dominated.”