BEER SA FINALS
Naangkon sa San Miguel Beermen ang unang lingkuranan sa finals human nila gipanghubog ang Star Hotshots, 109-102, sa Game 4 nga maoy nagtiklop sa ilang semi-finals series, 3-1, niadtong Biyernes sa Philippine Basketball Association (PBA) Commissioner’s Cup sa Araneta Coliseum.
Una nabulsa sa Beermen ang kadaugan, misagubang una sila sa makapanghudlat nga rally sa Hotshots sa 4th quarter. Ang Beermen gipangulohan
sa ilang duha ka dekalidad nga guwardiya nga sila si Alex Cabagnot ug Chris Ross.
Si Cabagnot nipakatap og 26 puntos samtang nidugang og 24 puntos.
Ang higanteng Sugbuanon nga si JuneMar Fajardo nidugang og 22 puntos alang sa Beermen samtang niamot og 21 puntos ang import nga si Charles Rhodes.
“We’re back in the finals and we’re so happy with these hard-working players because pinakita nila ang kanilang championship caliber,” matod ni San Miguel coach Leo Austria.
Gikan sa 14 puntos nga pagkalubong, ang Hotshots ni coach Chito Victolero nakasikit pagbalik sa 4th quarter sa pagpangulo sa ilang import nga si Ricardo Ratliffe.
Apan nakuwangan og suporta si Ratliffe gikan sa iyang lokal nga mga kauban hinungdan nga nakasulod pagbalik sa finals ang Beermen sa ikalimang higayon sulod sa walo ka mga komperensya.
Ang Hotshots gipangulohan ni Ratliffe pinaagi sa iyang 36 puntos ug 17 rebounds.