FOOD, AGRI, LIVELIHOOD CARAVAN
Kabahin sa paningkamot isip kampiyon sa sustainable livelihood ug backyard farming sa tibuok nasod, ang Pilmico, food subsidiary sa Aboitiz Equity Ventures, Inc., nilusad sa Food, Agri & Livelihood caravan sa lungsod sa Tayasan, Negros Oriental dili pa lang dugay. Uban sa iyang nag-unang tumong: “Create a venue that celebrates local businesses and inspires the next generation of agri-entrepreneurs”, ang usa ka adlaw nga kalihokan nipatapok sa mga mag-uuma, kasamtangan ug umaabot nga agri-entrepreneurs ug
baking enthusiasts diin sila gihatagan og kahigayonan sa pagbansay nga gikinhanglan sa pagsugod sa pamatigayon ug makatagbo ang ubang mahimong umaabot nga makauban sa pamatigayon.
Ang workshops naglakip sa hog raising, poultry (layer) management, animal health, micro financing, basic & advanced baking, ug packaging & labelling.
Samtang, ang Mahalin Pagkaing Atin Ambassador Chef Boy Logro nidalit sa Negrenses uban sa cooking
demo diin ang nagkalainlaing lami sa Pilipinas sa pagluto sa karneng baboy, manok ug mga itlog.
Gawas sa libreng pagbansay, gihimo ang turnover ceremony sa livelihood kits alang sa 16 pre-screened beneficiaries gikan sa Negros Oriental. Ang livelihood assistance
naglakip sa 30 piglets (3 piglets per beneficiary; each with one-cycle feed consumption),
5 egg machines (48- chicken set each with once-cycle feed consumption) ug 1 bakery kit (1deck 4-tray bread oven, bread rack, working table, bread showcase, dough roller ug 10 bags of flour).
Ang piglets, egg machines ug bakery kit maghatag sa benepisaryo sa malahtayoan nga panginabuhi pinaagi sa sayon sa pagdumala sa negosyo uban sa daling pagbalik sa puhonan, taliwala sa kalisod ug paghapak sa katalagman.
Kini nga mga donasyon kabahin sa Pilmico’s Mahalin Pagkaing Atin program, usa ka kampanya nga gisugdan niadtong 2014 nga gitumong sa pagpalambo sa malahutayong negosyo pinaagi sa promusyon sa lokal nga abot ug pagsilsil sa hunahuna isip “pride of product, pride of place” sa lokal nga mag-uuma ug mga konsumidor, hinungdan nga mas molambo ang komunidad nga dunay pagtabangay sa usag-usa sa sektor.