Mayor Boniel buhi pa?

Buhi pa ba si Bien Unido, Bohol Mayor Gisela Bendong-Boniel? Mao ni ang pagtuo sa iyang bana nga si Provincial Board Member Niño Rey Boniel.

“My wife, Gisela, has all the reasons to hide or even feign death because she is neck-deep buried on debts of several million,” nagkanayon si Niño Rey sa iyang walo ka pahina nga counter-affidavit.

Sa samang higayon, si Niño Rey niingon nga ang giingong mga saksi nga sila si Riolito “Etad” Boniel ug Randel Lupas – gi- “pressured” sa pulis aron momugna og “fabricated tale” aron pagpiit kaniya.

“That all these accusations against me are not true that I deny them all with vehemence,” nagkanayon si Niño Rey sa iyang counter-affidavit.

Iyang giduso ang iyang affidavit aron pagtubag sa kasong parricide nga gipasaka sa Regional Intelligence Division 7 batok kaniya ug sa laing upat pa sa Lapu-Lapu City Prosecutors Office.

Laing gikiha mao sila si Lubo Boniel, Allan delos Reyes Jr., Wilson Hoylar ug Brian Boniel Saycon.

Matod sa 38 anyos nga opisyal nga siya nahasol ug naalarma og maayo sa pagpasaka og kasong parricide batok kaniya nga gibase lang sa mga affidavit nila ni Riolito Boniel ug Lupas.

Nanghimakak siya nga iyang gipatay ang iyang asawa.

“Parricide complaint is intentionally crafted by the investigators and forced upon to suit their move to file (the parricide case),” nagkanayon si Niño Rey.

Iya usab nga gipatugbaw ang posibilidad nga si Gisela buhi pa human ang journalist nga si Raul Gatal, sa Bohol Chronicle, nakigsutli sa mayor mayor mga 18 oras human siya makadungog sa taho nga siya gidagit ug gipatay niadtong Hunyo 7.

Giangkon ni Niño Rey nga wa na sila nagkasinabot ni Gisela tungod sa kwarta ug kaminyuon.

“That as of now, the only reason that I could think of for her sudden disappearance, if not, feigning death, is her neck high debts to different creditors,” nagkanayon si Niño Rey.

“Had I the intention of killing her, I could have done it inside a hotel room with her paramour,” matod sa board member.