Kausaban sa PUJs ipatuman
Sa dalan Colon sa dakbayan sa Sugbo, mag siyagit ang mga konduktor ug dispatser sa mga jeep de pasaheroan pagpangita ug pasahero.
Isip usa ka pasahero naanad nako sa mga ingon niini nga sitwasyon ilabi na sa oras nga tingpauli. Usahay mokalit lang og sirit ang
jeep bisan di pa puno kay diay may nibutho nga mananakop. Unya naghunong sa no stopping busa kinahanglang moiskirda paglikay sa dakong multa. Kung nakasirit na sa unahan na lang nga way manakop magpasakay ug dugang pasahero.
Sa mga sama nako nga mag- jeep padung ug gikan sa trabahoan di ba tinuod nga daghan sa mga jeep labi na sa mga dagko way klaro ang paagi pagpahiluna og pasahero. Nganong gihunongan nga wa na may kalingkuran?
Ang konduktor magsigi ug siyagit nga kuwangan pa og lima nga unta puwerte namang puno-a. Ang pasahero nga nahinayak ug sakay katunga nalang sa sampot ang nidapat sa ngilit sa daginoton nga lingkuranan.
Kung nakabasa ron ang atong mga halangdon nga konsehal sa siyudad asay maayo ug palutsan nato ug
ordinansa nga nagmando sa mga operator nga ipapilit sa sud sa jeep kung pila ra gyu'y pasahero nga makarga sa usa ka jeep. Di lalim nga ihansak ka sa konduktor unya dugay pa ra ba kang moabot sa imong destinasyon tungod sa trapik.
Ning paagiha makareklamo ang mga pasahero nganong magsigi pa ug pasakay nga niabot naman sa limit nga gisipra sa likod sa lingkoranan sa drayber.
Ang taga Land Transporta- tion Franchising and Regulatory Board (LTFRB) nahibawo man gud niini kay naa man sa prangkisa ang kapasidad sa lingkoranan sa jeep.
Diay lain nga akong naobserbahan. Ang pasahero nga uwahing makasakay mag-antos gyud ug suong padung sa bakanting lingkoranan nga nahimutang sa likod sa drayber. Ang mauna ug sakay magpaduol sa pultahan. Ang mauwahi mag-antos. Ang pait kung duna kay dala o gikugos nga bata. Mas labaw'ng pait kung senior citizen naka.
Hinuon, makadaghan na sab ko maka saksi nga ang naglingkod pabor sa pultahan maoy niirog aron makalingkod dayon ang bag-ong nisakay nga senior. Ang uban mobulontaryo ug dalit sa ilang lingkoranan pabor sa senior citizen, mabdos ug person with disability (PWD).
Mao ni gusto nakong ipasigarbo nga bisan sa ka moderno sa atong panahon duna pa'y daghan ang nigakos sa karaan ug sulondon nga pamatasan sud sa pang publikong sakyanan. Unya naa ma'y mga bata nga pasahero nindot ni nga pamatasan nga ilang masaksihan ug makat- onan. Dihay commercial nga naghisgot kon unsay makita nga nindot, sa mata sa mga bata, kini ang ilang sundon.
Ang taga Land Transportation Franchising and Regulatory Board (LTFRB) nahibawo man gud niini kay naa man sa prangkisa ang kapasidad sa lingkoranan sa jeep.