Lain og tinuohan
Dear Noy Kulas,
Naay koy uyab nga lahi og relihiyon. Katoliko ko ug ang akong pamilya while siya born-again Christian. Sa ilang pamilya siya ra ang born again kay Katoliko ang iyang pamilya. Pirme ko niyang imbetaron sa ilang Sunday service ug kay uyab lagi, ako ra siyang tumanan.
Love nako ang akong uyab pero di nako matulon ang iyang pagka born again Christian kay Katoliko ko. Kadaghan na siya nisuway og kombinser nako nga magpabunyag sa ilang church pero wa ko nisugot. Usahay mao ni ang nakaingon sa among away.
Noy, maayo kaha nga mobiya na lang ko ani niya kay di nako matulon ang iyang religion. Unsay imong huna-huna? SAM Sam,
Nahinumdom ko kaniadto nga dunay koy higala nga nanguyab og kanang giingon nga born-again Christian. Sama nimo, sige usab siya og tambong sa Sunday service bisan supak sa iyang kabubut- on. Nagkadugay, iyang gibiyaan ang babaye kay di niya madawat ang denominasyon niini. Mao usab ang lain nakong higala, wa niya gidayon ang pagpanguyab sa iyang nagustohang babaye kay the same gihapon, pabalhinon siya.
Sa atoang kultura, bisan moderno na karon, ang relihiyon duna ra bay papel sa pamilya. Moapekto kini sa relasyon. Kana lang pamilyang Katoliko kaayo pero dunay usa nga mabuwag ngadto sa laing simbahan, mahimong kontra ang usa.
Okay ra nang lainlain og simbahan but eventually dunay mobalhin, either ang babaye o lalake. Mas maayo nga usa lang ang church affiliation kay sa lainlain, labina kon ang pamilya committed kaayo sa ilang simbahan. Mo- create na og friction.
Kon di ka ganahan o di nimo matulon nang iyang simbahan kay wa ka makauyon sa ilang doktrina, ayaw pugsa ang imong kaugalingon, undangi na lang na. Lain baya kaayo nga nikuyog ka lang og simba for the sake sa imong uyab, di tungod kay nituo ka sa ilang gitudlo. Mas maayo nga imong matulon ug madawat ang ilang gipangtudlo. Lisod na kon napugos ka lang tungod kay gusto nimo siyang i- please, di ang Ginuo. Mas maayo nang kon nanimba mo sa imong uyab, imo kining kabubut-on, di tungod kay napugos ka lang. NOY KULAS