MARTIAL LAW SA MINDANAO LEGAL: SC

MANILA-Ang Korte Suprema nibasura sa mga petisyon batok sa deklarasyon ni Presidene Rodrigo Duterte nga martial law sa tibuok Mindanao.

Tulo ka mga petisyon ang gipasaka sa korte nga nagkwestyon sa Proclamation 216 ni Duterte niadtong Mayo 23.

Si Supreme Court spokesperson Theodore Te niingon nga 11 ka mga sakop sa Korte Suprema ningpabor sa pagbasura sa mga petisyon, tulo ningbotar sa partial nga pagtugot samtang usa ang nidawat niini.

Usa ka tinubdan niingon nga ang mga ningbotar pabor sa pag-dismiss mao sila si Associate Justices Presbitero Velasco Jr., Teresita Leonardo de Castro, Diosdado Peralta, Lucas Bersamin, Mariano del Castillo, Jose Mendoza, Bienvenido Reyes, Estrella Perlas-Bernabe, Francis Jardaleza, Samuel Martirez ug Noel Tijam.

Tulo sa mga mahistrado nga partial nga nipabor sa mga petisyon mao sila si Chief Justice Maria Lourdes Sereno, Senior Associate Justice Antonio Carpio ug Benjamin Caguioa, samtang ang bugtong niuyon sa mga petisyon mao si Associate Justice Marvic Leonen. draft opinions kalabot niini.

Ang tulo ka mga petisyon nga giduso niadtong Hunyo nagtinguha sa pag nullify sa proklamasyon ni Duterte.

Matod sa mga petitioner nga way basihanan ang pagpatuman sa balaud sa Mindanao.

“The high court has spoken: Proclamation 216 is constitutional,” matod ni Presidential Spokesperson Ernesto Abella. / Sunnex