Unsay gusto sa mga babaye sa mga lalake?

Matod pa ni Charles Darwin sa iyang Theory of Evolution, instinct na sa mga babaye ang pagplano sa kaugmaon isip inahan, amumahon ang iyang bana nga maoy tighatag sa panginahanglan sa panimalay ug uban pa. Apan ang pagtuon ni Darwin sobra na sa 150 ka tuig ang nakalabay sa dihang mag- corset pa ang mga kababayen-an. Apan sa panahon karon sa post-feminist sa

online dating, unsa may makapalipay sa usa ka babaye? ○

Salamat sa DATING SITES, mas SAYON ang pagpangita og lalaki karon. Kaligdong

Di malilong nga ganahan ang mga babaye og matinud-anon og pagsabot sa usa ka relasyon. Sultii siya sa matuod aron siya malipay ug malipayon usab niini.

Sense of Humor

Pakataw-a siya ug wagtanga iyang mga kabalaka. Dali makuha nimo ang kasingkasing sa babaye kon aduna kay sense of humor.

Abilidad sa pagprotekta

Ang mga babaye makabarog ra sa ilang kaugalingon apan gusto pud sila nga adunay moprotiher nila. Ayaw pagduhaduha sa pagpanalipod kaniya. Kon siya luwas sa imong mga kamot mas dako ang iyang respeto nimo.

Pangutok

Mas ganahan ang mga babaye ug mga lalake nga utokan ug makalahutay og intelihente nga panag-istoryahanay. Kon maglambigit na gani og paghimo ug importanteng desisyon, nagdahom na daan ang mga babaye sa mga lalaki nga maoy manguna sa mga lakang nga buhaton. Sabta iyang panginahanglan ug dayga iyang point of view.

Kamaunongon

Be loyal sa babaye nga imong gika-date. Insulto alang sa mga babaye kon naa koy uyab. ang lalaki nangabit.

Batasan ug hygiene

Kon tan-aw nimo nga ang imong kalkag nga buhok, bohemian

lifestyle makapaibog sa ubang mga babaye apan sagad sa mga dalaga ganahan og ulitawo nga limpyo. Di sexy ang paghugawhugaw ug nagkayamukat mong dagway.

Be a gentleman

Espesyal ang paminaw sa mga babaye kon gentleman ang usa ka lalake nga mo- effort ngadto sa babaye bisan sa mga ginagmayng butang sama sa pag-abli sa pultahan, paggunit sa iyang kamot kon mogawas sa sakyanan ug uban pa.

Respeto-a iyang Espasyo

Ang imong plano sa dili paghatag niya og space makapahadlok ug makapadagan lang kaniya. Tagai siya og igong panahon ug space.

Pakighigala una

Ayaw diretsua og uyab ang usa ka babaye tungod kay sagad nila gusto una og panaghigalaay. Hinayhinaya hangtod imong makuha ang iyang pagbati. Sama sa sikat nga awit sa Moldy Peaches nga nagkanayon “Parttime love and a full- time friend...”

Likayi ang pagkadesperado ug clingy

Ayaw sige og pilit niya nga moabot na ka sa punto nga desperado ka na tan-awon sa iyang mga mata. Di ganahan ang mga babaye niana. Be

cool ug confident lang aron nga mas ganahan siya nimo.