Pulos maayo ang tumong?

Para nako, pareho ang tuyo ug tumong nila ni Cebu City Mayor Tomas Osmeña, ug Michael Dino, Presidential Assistant for the Visayas, sa pagsulbad sa problema sa trapiko sa dakbayan.

Gisupak tuod ni Dino ang plano ni Tomas sa pagpatuman sa Bus Rapid Transit kay di makasulbad sa problema sa traffic ug makahuot hinuon tungod sa kaapike sa karsada ug duol ang matago eskina.

Mas pabor si Dino sa Light Rail Transit (LRT) nga maoy makatabang sa atong problema ikompara sa BRT nga gastuso kay gikinahanglan pa nga mangutang ang siyudad og P10 bilyones.

Kon imong sabton, ang duha nagpakabana sa problema sa traffic.

Ang nakaapan, managlahi ang bulok sa pulitika. Sa ato pa, ang away aning duha tungod sa pulitika.

Pagka maayong dukdukon sa ilang duha ka mga ulo. Masakripisyo man gud ang panginahanglan sa katawhan tungod sa ilang panag-away.

SI Dino naila nga suod nga higala ni kanhi Cebu City mayor Mike Rama, ang nag-unang kaaway sa pulitika ni Mayor Osmeña.

ILLEGAL NGA GASOLINA

Daghan karong mga tikasan ug kawatan ug pagpamintaha kontra sa gobyerno pinaagi sa paglibod ug pagpamaligya sa gasolena ngadto sa mga sakyanan, panimalay ug uban pa nga way permiso gikan sa hingtungdang ahensya sama sa DOE.

Mao nga atong pagpakan ang Department of Energy 7, sa pagpanguna ni Atty. Russ Mark Gamallo sa pag tubag sa reklamo sa mga tag Iya ug gas

stations batok sa illegal nga pag baligya ug gasolena.

Tungod niini gikonbikto sa korte sa kasong illegal trading

of petroleum nga usa ka kalapasan sa Presidential Degree 1865 si Marvin Pacaldo. Ug ang napulo ka galon sa

container nga gasolina gikonpiskar pabor sa gobyerno. Ang presyo ra ba niini mahal ikompara sa mga gas stations. Mao atong awhagon ang mga users sa petroleum products nga anaa sa mga layo nga lugar sa dili pagpalit kay illegal kini.

NINDOT NGA AWAY

Kon si Floyd Mayweather Jr. ang makontra ni Jeff Horn, akong nakita nga usa kini ka nindot nga away.

Si Mayweather naila nga hugaw moduwa ug maayong modepensa ang naka apan kay magsigi og dagan.

Si Horn dunay pagka hugaw moduwa, isog, agresibo, ligon, paspas, maayog opensa ug depensa.