Moladlad kaha ni?
Dear Papa Joe,
Ako si Monet, taga Cebu, 24 years old, nag- work ug dalaga pa gihapon pero naa nay uyab. Ang akong problema mahitungod sa akong uyab nga di na kaayo mi magka sinabot ug mo-lead na lang sa cool off. Pero everytime mi magbuwag, ako siyang makit-an ug permi naay kuyog nga bayot. Unya matod pa niya barkada kuno niya pero sa tanang barkada niya, puros man bayot. Unya mailhan baya namo ang bayot kay sa mga panglihok pa lang daan.
Akong mga ka office mate nga makakita sad niya kay makaingon nga uyab pero matod niya di siya mopatol og bayot, barkada ra kuno sila. Unya uban sab mosulti nga kon di kuno to niya uyab, basin na enjoy siya sa company sa bayot kay basin siya naay gitaguang pagkabayot ug hinaot dili unta kay love kaayo nako siya.
Wa na ko masayod unsaon nako para di na mi magbuwagbuwag. Galibog ko kay daghan sab ang nag- ingon nga maayo pa mangita na lang kuno ko og lain kay may tendency nga mag buwag ra gyud mi kay bayot lagi kuno akong uyab. Naglibog na kaayo ko ron ug hinaot malamdagan ang akong huna huna para sab mahapsay na ang tanan. Daghang salamat. MONET Monet,
Una sa tanan, di man ta angay mo judge no kay di man ta Ginuo. Pero kini base sa nahibaw an, kani kuno sige og barkada og mga bayot, naay tendency matakdan sa lihok hangtod matakdan sa pagkabayot. Labi sad kuno kini makigrelasyon og bayot kay inig kadugayan, daw mahigam sa lahi nga dating ug maoy makapa trigger sa pagka way gana sa opposite sex ug mangita na kuno ni og lalake. Paet.
Pero kining tanan istorya lamang, pero sa akong nabatyagan, medyo naay kamatuoran nga mahitabo ni naa mga inila sab nga late na nilantad, pero dili man kini maoy problema gyud. It’s all about sa imong love niya. Simple lang, Day, if di na gyud madala, nganong mag antos man nga naa may daghan diha kay sa buwag uli mo? Basin usa na sa timailhan nga maya siya kay di siya ka focus nimo. Dili siya sigurado ug dunay katin awan ang mga hungihong sa katawhan nga bayot siya, di ba? So lastly, itsahi og ilaga. Kon moiktin gani, bayot na ( joke). Daghang salamat.