Pagara naghandom nga maka-rematch ni Juarez
Ang pagpakigrematch sa Mexicanong si Cesar Juarez maoy anaa gihapon sa alimpatakan ni kanhi WBO Inter-continental superbantamweight champion Prince Albert Pagara.
Kini maoy usa sa mga rason kon nganong inspirado karon ang usa sa giilang
knockout artist sa Ala Boxing Gym sa iyang umaabot nga away batok sa beteranong Thailander nga si veteran Aekakawee Kaewmanee.
Si Pagara (27-1, 18KOs), makigsinukliay ni Kaewmanee (16-9, 8KOs) sa 10 ka
round isip supporting bout sa Pinoy Pride 41: New Generation Warriors karong Sabadp diha sa IEC Pavillion sa Mabolo sa dakbayan sa Sugbo.
Giangkon ni Pagara ang iyang dakong kasagmuyo sa dihang na- knockout siya ni Juarez sa ikawalo ka round didto sa California diin sa samang higayon natangtangan usab siya sa iyang titulo.
Sa iyang kasagmuyo misantop sa iyang hunahuna ang pagretiro na sa pamoksing.
Apan gumikan sa tambag sa iyang amahan, si Pagara nakombinsir pagbalik ug ang iyang pamilya maoy gihimo nga dako niyang inspirasyon.
“Gusto nako nga ma- rematch
si Juarez, bisan asa," matod ni Pagara.
"Naigo lang gyud ko ato sa iyang lucky punch. Tinuod nga nakahunahuna ko og retiro ato pero giingnan ko sa akong papa nga bata pa kaayo ko nga moretiro ugsiya sab ang nag-agni nako pagpadayon.”
Bisan tuod anaa sa iyang plano ang pagpakigrematch ni Juarez apan wa usab siyay kompiyansa ug hugot ang iyang ensayo ning iyang pagpakigsangka ni Kaewmanee.
Ang Pagara-Kaewmanee fight magsilbing undercard sa gikahinam usab away sensational og world prospect nga si Mark Magsayo kinsa mosuway sa katakos sa beteranong si Daniel Diaz sa Nicaragua alang sa WBO International featherweight title.