BAYAD SA CCMC GIPUGNGAN

P92 MILLION SA KONTRAKTOR NASANGIT SA COA

Gikwestyon sa Commission on Audit (COA) ang P90.2 milyon nga bayad sa kagamhanan sa dakbayan sa Sugbo ngadto sa kontraktor nga nagtukod karon sa Cebu City Medical Center bisan kon wa kini makasumiter sa gikinahanglang dokumento.

Ang P90.2M mao ang nahimong unang bayad sa phase 1 sa CCMC o kon 17.52% sa tibuok proyekto.

Gipugngan sa COA ang bayad ngadto sa kontraktor tungod sa nakitang kakuwangan.

Base sa annual audit report sa COA niadtong 2016, gisuspenso niini ang P90.2 million nga bayad ngadto sa C.E. Padilla Construction Inc. human wa makasumiter ang contractor og certified true copy sa

certification of authority sa BF General Insurance Company Inc., nga giisyu sa Insurance Commission nga aduna’y validity period nga Hulyo 1, 2014 ngadto sa Disyembre 31, 2015

Ang contractor ni-attach lang sa certificate of authority nga kutob alas 12:00 sa tungang gabii sa Hunyo 30, 2015. Kuwang sa dokumento

Wa usab makasumiter ang C.E. Padilla sa certified true

copy sa building permit nga giisyu sa Siyudad alang sa proyekto.

Matod ni City Engineer Josefa Ylanan, mao usab ang ilang nabantayan dihang nihimo sila og

evaluation sa proyekto niatong Hunyo 2016 sa wa pa molingkod si Mayor Tomas Osmeña.

Ang kanhi acting mayor nga si Margarita Osmeña kinsa niisyu sa suspensyon sa pagtrabaho sa CCMC ug gipasumiter

ang contractor sa gikinahanglan nila nga dokumento.

Wa pa usab diha-diha maproseso ang building permit tungod sa ownership issue sa dan Panganiban.

Septiyembre 2016 dihang na- comply sa contractor ang gikinahanglang permit.

Nagsugod ang proyekto Hulyo 23, 2015. Laing ipasumiter

Gimandoan usab sa COA ang City Government nga pasumiteron ang hingtungdang opisyal ug empleyado sa gikinahanglan dokumento ug kakuwang nga ilang nasuta.

“I can’t explain for them (previous officials) because I was even the one who recommended the suspension of works for the project for lack of permit. Work on the project is now on track,” si Ylanan nagkanayon. Sa tubag niini sa COA, matod sa kasamtangan nga Bids and Awards Committee for Infra and Consulting Services nga wa masayod sa kapakyas sa kanhi administrasyon sa pagtuman sa gikinahanglang rekisitos.

Monitor

Nagsugod na sila pagpatuman sa gikinahanglan rekisitos ubos sa Section 37.1.6 ug 37.4.2 sa Revised Implementing Rules and Regulations of Republic Act 9184.

Dugang ni Ylanan nga gipaneguro nila karon nga nag-monitor sila sa maong proyekto.

Niadtong nakalabay nga tuig, atol sa pagbisita sa Superbalita Cebu sa construction site sa tambalanan inubanan ni Konsehal Mary Ann delos Santos, deputy mayor on

health, niingon nga magamit na kini karong Hulyo, apan wa pa gihapon. /