BAG-ONG MOUNTAIN RESORT SA DANAO
Una moabli ang labing bag-o ug overlooking nga mountain resort sa dakbayan sa Danao, una kini nimo nga makita ug mabasa dinhi sa Superbalita Cebu.
Uso na karong mga panahona ang mga mountain resort ug usa niini ang Tuburan Mountain Resort sa Barangay Tuburan Sur, Danao City.
Ugma, Hulyo 7, ang grand opening sa resort nga nagdungaw ngadto sa Danao City, Carmen, ug mga isla sa Camotes, Bohol ug Leyte.
Gawas sa maanindot nga view niini, adunay duha ka pool nga gitanyag ang resort, ang kiddie pool ug ang adult nga gikan sa upat ngadto sa unom ka tiil ang gilawmon.
Matod sa general manager sa resort nga si Angelie Erana, adunay ikatulo nga pool usab sila nga tukoron nga usa ka tiil lang.
Gipanag-iya ang resort ni Faith Yzabel, kinsa sister-inlaw ni Erana. Duha ka tuig ang nakalabay dihang plano nila sa iyang lan�yaw nga bana nga magbutang og pool alang sa anak nila nga kaluha. Dihang nagkasabot na sila sa
engineer sa pool, nitanyag kini nga himuon nalang nga resort tungod sa kanindot sa dapit.
Dul-an usa ka ektarya ang luna nila ni Yzabel ug kapin sa 8,000 metro kwadrado niini mao ang sa resort, laing 1,500 alang sa parking area sa ubos nga bahin. Adunay 25 ka cottage ang resort adunay tag P500 ug P1,000. Mamahimo usab nga magtable ug chairs nga adunay payong nga tag P350.
Ang entrance anaa sa P100 alang sa 11-anyos pataas, P50 ang 10-anyos paubos ug libre ang 2-anyos paubos.
Way corkage, bisan unsa nga pagkaon ug ilimnon inyong dalhon, wa kini bayad.
Aduna usab silay sugbahan apan pagdala nalang pud og uling.
Gawas niini aduna silay duha ka function area, usa ka gamay (40-50 ka mga tawo) diin P3,500 ang abang tibuok adlaw ug dako nga function area (150 ka mga tawo) P11,000.
Tungod kay kilid ra sa Calvary Hills ang ilang luna, adunay chapel kilid sa resort diin mamahimo nga mopahigayon didto og misa ug didto sa Sto. Tomas de Villanueva Parish ra ang bayad niini diin niuyon ra usab ang kaparian kon adunay
special nga kasal o unsa pa. Mamahimo nga kasal ug reception, all in sa resort. Di pa ka ana, nindot og view ang kasal.
Abli sila gikan alas 8:00 sa buntag ngadto sa alas 9:00 sa gabii, wa usa ang overnight kay wa pay rooms ang resort ug di 24 oras ilang gwardiya ug
duha ka lifeguard.
Kon maggikan ka sa dakbayan sa Sugbo, inig abot nimo sa Danao diretso ka sa Barangay Looc o sa may Prince Warehouse, liko sa wala paingon sa Barangay Tuburan Sur.
Dayon pangitaa ang Purok IV nga sign, dayon liko sa wala, kilid kini sa en- trance sa Calvary Hills. Ayaw na pauwahi ug bisitaa na ang Tuburan Mountain Resort, di sa lungsod sa Tuburan apan sa dakbayan sa Danao. /