Gahum pagdeklarar of martial law
Gideklarar sa Korte Suprema, sa boto nga 11-3-1, niadtong Martes nga balido ang Proclamation 216, ang pagproklamar ni Presidente Rody Duterte og martial law sa tibuok Mindanao. Sa maong desisyon, gi- dismiss sa Korte Suprema ang mga petisyon nga gipasaka sa
minority bloc sa House of Representatives, mga lumolupyo sa Mindanao ug sa kababayen-an sa Marawi City.
Onse ka mga mahistrado ang pabor sa pagdeklarar og martial law sa tibuok Mindanao, tulo ang pabor nga ang martial law didto lang sa Marawi City, samtang usa ang supak sa pagdeklarar sa martial law.
Gideklarar ni Presidente Duterte ang martial law sa tibuok Mindanao niadtong Mayo 23 tungod sa pagsulong sa mga teroristang Maute didto sa Marawi City.
Nagpadayon pa ang kagubot sa maong syudad ug ang ma-ong kagubot nikalas na sa kapin sa 400 ka mga kinabuhi, lakip sa mga sakop sa kasundalohan, mga sibilyan ug sa mga sakop sa Maute nga gustong mobutang og usa ka Islamic caliphate sa Marawi.
Libo ka libong mga lomulupyo sa Marawi ang nawad-an sa ilang mga panimalay o nibakwit aron makalikay sa gubat batok sa mga tropa sa kagamhanan ug teroristang pundok.
Matod pa sa Korte Suprema, sa desisyon nga gisuwat ni Associate Justice Mari- ano del Castillo, si Presidente Duterte dunay gahum sa pagdeklarar og martial law sa tibuok nasud bisan pa kon ang rebelyon o ang armadong pag-alsa nahimutang lang sa usa ka lugar sama sa nahitabo sa Marawi City.
Ang Batakang Balaod naghatag og gahum sa Korte Suprema sa pagrepaso sa gahum sa presidente sa pagdeklarar og martial law, pero wa silay gahum nga limitahan ang iyang gahum isip chief executive.
Giklaro sa Korte Suprema nga ang pag-atake sa Maute group sa Marawi City usa ka kaso sa rebelyon, busa igo kining sukaranan sa pagdeklarar og martial law ug sa pagsuspenso sa privilege of the writ of habeas corpus sa tibuok Mindanao.
Sumala pa sa Korte Suprema, “The Constitution grants him the prerogative whether to put the entire country or parts thereof under martial law. There is no constitutional edict that martial law should be confined only in the particular place where the armed public uprising actually transpired.”
Ubos ning maong interpretasyon sa Korte Suprema, ang presidente makadeklarar og martial law sa tibuok Pilipinas bisan pa kon ang kagubot tua ra sa usa ka lugar sa Mindanao.
Matod pa sa Korte Suprema, “This is not only practical, but also logical. Martial law is an urgent measure since at stake is the nation’s territorial sovereignty and survival.”