You should know by now

OLIVER P. FLORES (Ikaunom sa pito ka mga gula)

Gisakitan gyud ko sa among panagkita ug pag-estoryahay ni Ray. May pag wa kini mahitabo. Unsaon man gud, gusto ko na man untang kalimtan si Ray apan karon, naglisod na ko sa pagbuhat ani labi na nga iyang gisulti nako nga ako gyud ang tinuod niyang love. Karon, angay ko sab mahibaw-an kon siya pa ba gihapon ang akong gimahal.

Sa among panagbuwag ni Derwin, wa ko batia ang gibati ko sa among pagbuwag ni Ray.

Di ko ikatago sa akong kaugalingon mismo nga grabe gyud ang kasakit nga akong gibati sa among pagbuwag ni Ray. Labaw na nga di ko ikatago sa akong kaugalingon nga si Derwin gihimo ko lang nga panakip-butas. Nagtuo ko sa giingon nga katudloan ang kasingkasing, nga ma- develop ang gugma diha sa kanunay nga panagkuyog sa duha ka binuhat.

That’s why nga human ko sugta si Derwin, nakigsuod gyud ko pag-ayo niya. Nagtuo ko nga di lisod mahalon si Derwin kay buotan ug masinabuton man siya sa akong pagtugkad sa iyang pagka tawo. Apan pagkadako ko diayng sayop, uy!

Sobra kaayo siyang pagka seluso. Timailhan nga wa siyay pagsalig nako. Apan ako, ang kanunay kong pagselos kang Ray wa ko batia ngadto kang Derwin. Kanunay kong nakita si Derwin nga nakig-estorya og lain-laing babaye sa

school campus. Apan wa gyud ko mobatig selos.

Ug karon, nasuta ko nga wa diay ko mahigugma kang Derwin. Para nako, kon love gyud nimo ang usa ka binuhat, mobati gyud kag selos kon duna siyay gikasulting laing binuhat labi na kon malipayon kaayo siya.

Ug mao kini ang gibati ko kang Ray. Para nako, di ko

selfish nga pagka babaye. Gipakig- ko lang ang akong

love. Apan si Ray sab, kanunay magselos nako. Di man gyud kalikayan nga makig-estorya ko sa akong mga friends nga lalaki sa eskol.

Parehas mi si Ray nga nakig-away sa among gugma sa usag usa.

Apan karon, nagkabuwag na mi tungod aning maong sitwasyon namo nga maoy nahimong rason nga way kalinaw ang among relationship kay kanunay ming mag-away. “Nicole!” Kusog kaayo ang butuk-butok sa akong dughan kay misunod gyud diay si Ray nako.

(TAPUSON SUNOD GULA)