48 PWDs mibenepisyo sa shelter project
Ang pamilyang Bohol mapasalamaton nga nisulod sa bag-ong panimalay.
Ang ilang anak nga si Willance, dunay visual impairment, usa sa mga benepisaryo sa bag-ong balay sa Barangay Cayang, Bogo City. Usa siya sa 48 persons with disabilities (PWDs) nakabenepisyo sa shelter project sa “Rebuilding Lives, Restoring Hope in Cebu for Persons with Disabilities and their families who were affected by the Typhoon Yolanda.”
Ubos kini sa pagpasiugda sa Resources for the Blind, Inc. (RBI), non-government Christian organization nga nagsilbi sa mga buta nga tawo sa Pilipinas, ug CBM, international development organization, komitado sa pagpalambo sa kalidad sa kinabuhi sa PWDs sa mga kabus nga kanasoran.
Kini gisuportahan ubsa sa lokal nga kagamhanan sa Bogo, nga nidonar sa luna nga tukoran sa kabalayan.
Ang proyekto gisugdan niadtong Abril 2016 sa paghashas sa mga benepisaryo ug nagsugod ang pagtuhod niatong Hunyo sa samang tuig sa stand-alone houses sa Bogo ug alang sa duplex houses sa Enero 27, 2017.
Ang proyek gitumong sa paghatag og luwas, accessible, ug lig-on nga balay sa mga PWD.
Matag nunot dunay accessibility features, lakip sa ramps ug universal design restrooms, ug nisunod sa 16-minimum
requirements sa building safe and accessible shelters.
Atol sa turnover ceremony sa 13 ka duplex houses niadtong Hunyo 23, 2017, si Rainer Guetler, CBM – Asia South East’s Regional Director, niawhag sa komunidad sa paghiusa ug pagporma og grupo aron pagpadayag ug pagpanalipod sa ilang katungod.
Ang pagtunol sa kabalayan gisaksihan sa RBI executives ug staff nga sila si Arminia Mojica, RBI Executive Director; Goodwill Mercado-Lansang, RBI Chairman of the Board of Trustees (BOT); Decelin Miguel, BOT member lakip sa RBI Yolanda Team ubos sa pagpangulo ni Joy C. Fedelis, Project Director; Chesa Romares, Project Coordinator;
ug Engr. Joseriz Mora, Field Project Supervisor.
Si Vice Mayor Maria Cielo Martinez nipahibalo sa tumong sa dakbayan alang sa “improve and empower the lives of persons with disabilities.”
Ang lokal nga kagamhanan mopadayon sa pagsuporta pinaagi sa livelihood projects ug ubang matabang sa mga kabus.
Ang LGU magtukod og dalan aron paghimo sa komunidad nga konektado sa tunghaan, trabahoan ug ubang institusyon.
Ang RBI ug CBM naghiusa sa katukoran sa 48 ka mga balay sa San Remigio, San Francisco Camotes Island, ug Bogo, Cebu.