PR man ni Pacquiao, Arum nagbinirahay

Gipikhan og bawos ni Top Rank boss Bob Arum ang pipila ka mga sakop sa kampo ni Manny Pacquiao nga daw sa mibasol ug misaway kaniya gumikan sa kapildihan sa Filipino boxing icon sa mga kamot ni Jeff Horn niadtong Domingo didto sa Australia.

Gani dunay mga nipabuhagay nga napupos na ang maayong relasyon sa Top Rank ug ni Pacquiao human sa hataas nga panahon tungod sa di maayong gipakitang tinagdan ni Arum ngadto ni Pacquiao.

Tungod niini si Arum mipadayag sa iyang kasuko ug nagkanayon, “There was an article in Boxing Scene from the Manila Times where the guy said I was ‘cold’ (to Manny), I mean what the f***?!?! What the f*** is he talking about. What do you mean ‘cold’?”

Sa sayo pa, si Aquiles Zonio, giingong media relations chief ni Pacquiao, mitumbok sa beteranong international boxing promoter nga posibling nangita kini og laing boxer nga kapangwartahan nga ipuli

sa 38-anyos nga Pacquiao.

Iyang gipasabot nga lahi na kaayo og tinagdan si Arum ngadto ni Pacquiao kon itandi kaniadto ug kini masabot sa mga lihok niini.

“There was this guy, they called him the ‘ media manager’ - I never heard of the guy. Stuff like this is par for the course on Planet Pacquiao. Obviously they’re disappointed and so forth but they’re not real people talking,” pagtumbok ni Arum ngadto ni Zonio kinsa maoy mibira kaniya.

Nagtuo si Arum nga ang iyang pagsulti nga si Horn dakong hulga ni Pacquiao maoy hinungdan nga nangasuko ngadto kaniya ang pipila ka mga sakop sa Team Pacquiao kinsa di motuo sa kapabilidad

sa Australian challenger. “I saw the kid fight in December (versus Ali Funeka) and I knew he was a big strong welterweight. Not the most skilled guy in the world but not unskilled, he was a tough, tough guy for anybody to fight,” matod ni Arum.