Dul-an sa 170 nakadawat og libreng med., dental services
Dakong kalipay sa mga lumolupyo sa Lapu-Lapu City ug Cordova nga nakadawat og libreng medical ug dental services gikan sa Metropolitan Cebu Water District (MCWD) ug partners atol sa Community Outreach sa miaging semana.
Ang labing unang medical
outreach sa MCWD gipahigayon sa Our Mother of Perpetual Help Parish diin adunay 168 ka residente sa Barangay Babag 1, Babag 2, Calawisan, Canjulao sa Lapu-Lapu City ug taga Cordova ang nakapahimulos sa libreng laboratory
services ug dental services. “Tinguha sa MCWD nga mahatagan og tabang ang mga taga Lapu-Lapu City ug Cordova aron mahibaw-an nila nga ang MCWD naghunahuna sa ilang kaayuhan,” matod ni Acting General Manager Noel Dalena.
Ang Philippine Association of Medical Technologists (PAMET) maoy nihatag og libreng services sama sa Complete Blood Count, urinalysis, blood sugar, cholesterol screening ug stool exam sa 108 ka mga residente. Ang Department of Health 7 Dental Services, sa ilang bahin, nihatag og libreng ibot sa ngipon sa 60 ka mga pasyente.
Ang service area sa MCWD naglakip sa Cebu City, Mandaue City, Lapu-Lapu City ug Talisay City ug Cordova, Consolacion, Liloan ug Compostela.
Sugod niadtong August 2016, gilusad sa MCWD ang Septage Management Program (SMP) sa Cordova ug Lapu-Lapu City. Ang MCWD, kuyog sa private
partner nga Envirokonsult Equipment and Services Inc. (EKI), nagtukod og Septage Treatment Plant sa Cordova aron makumpleto ang saktong paghabwa sa septic tanks, pagtreat sa septage ug pagsiguro nga luwas kini nga ibalik sa kalikupan.
Ang STP sa MCWD maoy labing una sa Visayas ug subay ni sa Clean Water Act of 2004 nga nagmando sa tanang local
governments ug water districts nga mopahigayon og SMP
Matod ni MCWD SMP Officer-In-Charge Rebecca Husayan kinahanglan sa Cordova ug Lapu-Lapu City ang programa nga sentro kini sa turismo sa tibuok Cebu. Sa pag- comply sa mga
standards sa kalimpyo sa tubig dagat sa mga resorts nga nagpalibot niini, importante kaayo ang SMP para sa tanan ilabi na sa pagsiguro nga limpyo ang mga tinubdan sa tubig ug ang kalikupan.
Si Buji Lastimoso sa EKI nidugang nga ang ilang serbisyo naggamit og fully mechanized facility nga nipasar sa mga
standards nga gihatag sa Department of Environment and Natural Resources ug DOH. Ang EKI ni- donate og mga
anesthesia ug medical supplies para sa Community Outreach.
Si Patrick Binse, 22, usa sa labing bata nga ni- avail sa libreng ibot sa ngipon, nagpasalamat og dako kay duha na siya katuig nag-antos.
Si Perpetua Berdin, 72, nalipay sad nga nakapa- laboratory
test siya og libre karong tuiga. Ang MCWD dunay daghan Corporate Social Rsponsibility programs sama sa paghatag og libreng tubig sa mga nasunogan, pagpahigayon og handwashing ug water conservation seminars ug libreng seedlings para sa tree growing programs.