Dili dayon ta mohusgar
Dili mi suod aning broadcaster-lawyer nga gipasanginlan nga nanglugos og 13 anyos nga dalagita. Apan dili nato dayon siya husgahan ning maong pamasangil kay wala kita nahibalo sa kamatuuran. Ang 13 anyos, kinsa anak sa labandera sa co-anchor sa abogado, nialegar nga mi-adto siya sa sibyaanan nga gi-alagaran ning maong abogado aron mangayo og kuwarta sa laing magsisibya alang sa iyang school project base sa sugo sa iyang inahan.
Apan wala diha sa estasyon ang magsisibya. Ang dalagita nangayo og kuwarta sa maong abogado aron iyang i-plete pauli sa ila sa Labangon. Apan ang abogado nitanyag nga ihatud siya. Sakay sa awto sa abogado, gidala ang dalagita sa usa ka hilit nga lugar sa Zamora st., sa Parian ug didto giingong gilugos sulod sa sakyanan. Maka-rape ba ka sulod sa sakyanan nga hagip-ot man kaayo? Puwede daw siguro.
Aduna gyud kahay rape nga nahitabo? Gipugos gyud kaha ang batan-on? Wala gyud siya mosinggit buwahan adunay makadungog sa gawas sa sakyanan kay diha ra god sa daplin sa kalsasa. Wala mo-uyog ang sakyanan? O ba kaha ila kadtong sinabutan kay aduna silay relasyon? Nag-positibo daw sa semen ang babaye nga nagpamatuod nga nahilabtan.
Dili baya kita maka-conclude nga gipugos ng babaye. O ba kaha ilang sinabutan. Daghang mga rason nganong ang usa ka babaye mokiha og rape batok sa lalake bisan kon ila kanang sinabutan. Sa bag-ong balaod sa rape bisan ang asawa makapasaka og kaso batok sa iyang bana.
Apan bisan kon sinabutan, ma-igo gihapon siya sa statutory rape kay menor de edad ang babaye. Nahinumdum mo sa kaso ni kanhi Congressman Romeo Jalosjos sa Zamboanga del Norte? Gibugaw, matod pa, ang babaye apan kay menor, siyakoy gihapon siya hangtod sa Korte Suprema.
Daghan ang nangutana nganong wala gibutyag sa media ang ngalan ning maong magsisibya. Wala pa man god mafile ang formal nga reklamo sa piskaliya. Police blotter pa.
Sigurado ko nga ang ‘suspek’ di usa nila ni Attys. Frank Malilong ug Eli Espinosa sa dyCM, Ruphil Banoc sa dyHP, Eddie Barrita sa dySS, JT Benz ug Dx Lapid sa dyAB.