PEKAF GISUGDAN
Gisugyotan ni Senator Juan Miguel Zubiri ang dul-an sa 200 ka batan-ong mga partisipante nga maninguha og insakto aron maabot ang kalampusan kagahapon sa pagsugod sa 1st Philippine Eskrima Kali Arnis Federation (Pekaf) Invitational Tournament sa SM City Seaside Cebu.
Si Zubiri, kinsa maoy napiling presidente sa Pekaf, nagkanayon nga ang mga modaog ning maong kompetisyon mahatagan og kahigayunan nga makasalmot sa Batang Pinoy ug Palarong Pambansa o kaha sa international event.
“Maningkamot mo og maayo to have a chance to fight in the national and international
competitions,” sugyot ni Subiri sa mga partisipante.
“This is the start of many good things. This tournament will be one of the many."
Gipasabot ni Zubiri, kinsa three-time national champion ug 1989 Wekaf World Champion, nga nalipay siya nga dinhi sa Sugbo gipahigayon ang labing unang kompetisyon sa Pekaf.
Si Supreme Grand Master Dionisio Cañete, kinsa maoy nagpadagan sa torneyo, nagkanayon nga nalipay siya nga human sa dugay nga panahon, natuman na ang ilang tinguha.
“Finally I feel fulfilled because for 31 years we were ignored and practically was taken for granted. Finally the
government have recognized us
now,” asoy ni Cañete. Sa iyang bahin, si Cebu City deputy mayor for sports Eugenio “Jun” Gabuya Jr. nagkanayon nga motabang ang gobiyerno sa siyudad sa Sugbo aron mas maila pa ang arnis ning dakbayan.
Ang teams nga ningsalmot sa kompetisyon mao ang Abellana National School, City Central School, CMACI, Momoy Canete-San Miguel Eskrima, Cacoy Doce Pares, San Fernando Chapter-World Eskrido Federation, Gothong Arnis, Cordero Martial Arts, Exceed Eskrima, Cobaco Martial Arts, KSDB, University of Southern Philippines-Federation ug MCEC.