NEGUSYANTE SA CARCAR NASIKOP SA BUY BUST
Negusyante og chicharon gisikop human nakuhaag binultong drugas sa buy
bust operation kagahapon sa alas 5:30 sa kaadlawon sa Brgy. Poblacion, 1, dakbayan sa Carcar.
Si Glenn Alcoseba, 47, minyo, nadakpan sa buy bust operation sa Philippine Drug Enforcement Agency (PDEA) 7 human gipalitag usa ka bulto nga balor og P15,000 gamit ang boodle money.
Si Leah Albiar, tigpamaba sa PDEA 7 nga nahinabi sa Superbalita Cebu, nagkanayon nga usa ka semanang gi- monitor sa ilang mga ahente si Alcoseba. Si Alcoseba gitumbok nga
level 2 drug pusher ug usa sa ilang high value target (HVT).
Si Albiar niingon nga atol sa buy bust operation, nakuhaan nilag ubay-ubay nga bulto si Alcoseba nga ang tanan motimbang og 55 gramos nga mobalor og P275,000 sa Dangerous Drugs Value (DDB).
Gibutyag niini nga si Alcoseba makabaligyag 200-300 gramos nga shabu matag semana.
Ang contact ug supplier sa iyang drugas gikan sa National Bilibid Prisons (NBP).
Gisubay na hinuon nila sa pagkakaron ang ubang kontak ni Alcoseba dinhi sa Sugbo, diin ang iyang ngan nisibaw human dunay madakpan mobutyag nga nalambigit kini sa illegal drugs.
Si Alcoseba nga gikuhaag reaksyon sa Superbalita Cebu, wa na mohatag og komentaryo kabahin sa iyang pagkasikop, gawas lang sa pagtug-an nga ang iyang negosyo sa dakbayan sa Carcar pagpamaligya og chicharon.
Samtang nasikop ang batasa usa ka wanted human siya naaktuhan nga naghupot og kalibre .45 nga pistola kagahapon sa alas 10:15 sa buntag sa Brgy. Sumon, lungsod sa Tuburan.
Si Roel Tapil, 23, ulitawo, giingong sinaligan sa pugante nga si Johnny Ylanan. /