BRT, LRT parehong sulbad sa problema sa trapiko

Si Kongresista Samsam Gullas sa unang distrito sa lalawigan sa Sugbo nagtuo nga ang Bus Rapid Transit (BRT)ug ang Light Rail Transit (LRT) dili angayang lalisan sanglit ang duha pulos makatabang sa problema sa trapiko.

Si Kongresista Gullas miingon nga anugon nga dili na malakip ang dakbayan sa Talisay sa phase- 2 sa BRT, apan miklaro nga iyang girespito ang opinion ug desisyon sa iyang apohan nga si Mayor Eduardo Gullas.

Si Mayor Gullas niingon nga wala siya'y supak sa BRT ug dili usab siya gustong mosawsaw sa away karon ni Sec. Michael Dino ug ni Mayor Tomas Osmeña labot sa LRT ug BRT ni Osmeña nga gisaway ni Dino ug gusto niining dili ipatuman sa Sugbo.

Matod sa mayor nga mas pabor siya sa LRT sanglit sukad kaniadtong kongresista pa siya, una na siyang miduso sa LRT sa Sugbo.

Iyang giklaro nga wala siya'y supak sa BRT ni Osmeña, apan mas maayong kutob lang kini sa dakbayan sa Sugbo ug dili nalang paabton pa sa dakbayan sa Talisay.

Si Kongresista Gullas niingon nga dugay na niyang gibarugan nga ang BRT ug LRT mahimong magkakuyog sa pag- operate, ang mahinungdanon nga makatabang sa katawhan ug maminosan ang kahuot sa trapiko sa Sugbo.

Hinuon bisan og dili na maapil ang Talisay sa BRT, si Kongesista Gullas nipadayag nga anugon ang BRT, apan wala siya'y mahimo tungod kay iyang gitahod ang desisyon ni Mayor Gullas.