JC ug Bela mag-uban sa bag-ong pelikula
Ang Pinoy dili gyud mahutdan og mga love story o mga hugot nga pelikula sama sa light romantic film nga "100 tula para kay Stella" sa Viva films nga gibituonan nilang Bela Padilla ug JC Santos sa direksyon ni Jason Paul Laxamana.
Makauban nila dinhi silang Arvic James Tan, Maricel Morales, J.C Parker, Prince Stefan, Dennis Padilla, Christopher Roxas ug uban pa.
Si Fidel ( JC) yungit mosulti nihimo og 100 ka mga poem sod sa upat ka tuig niya sa kolehiyo para lang maangkon ang kasingkasing ni Stella (Bela) nga usa ka frustrated rockstar. Ay'g saba!
"Little Big Shots" ang super hit nga programa sa Amerika para sa mga super talented nga bata ug karon naa na sa Pilipinas. Ang Kapamilya host Billy Crawford ang makig-uban nato uban sa mga bata. Ay'g saba! Suwerte si McCoy de Leon kay niabot na ang iyang break sa showbiz. Nigawas ang unang indie film nga iyang bidahan uban nilang Junjun Quintana ug Francis Magundayao. Ang "Instalado" usa ka sci-fi nga pelikula nga nahitabo sa umaabot nga panahon ubos sa direksyon ni Jason Paul Laxamana.
Excited ang aktor kay lahi kuno ang pelikula kaysa telebisyon ug sa pagbasa pa lang niya sa script misamot ang iyang kadasig.
Suportado siya sa iyang kalabtim nga si Elisse Joson nga nindot pod ang dagan sa career. Namugna ang ilang labtim dihang misulod sila sa PBB. Gikan didto nisikat ang ilang tandem.
Karon, apil sila sa pelikula ni Coco Martin nga "Ang Panday" nga nakauban sab nila sa teleseryeng "Ang Probinsyano". ay'g saba!