SuperBalita Cebu

KANHI TRABAHANTE KARON NEGUSYANTE

- JOY F. TUMULAK / Reporter

Sukad siya nagtrabaho, kanunay na siyang mobiyahe sa gawas sa nasod aron ipadala sa training quality control ug quality assurance.

Okay ra ni kaniadtong di pa siya minyo. Apan sukad siya nahigot sa talikala sa kaminyuon, damgo na niyang anhi na lang kanunay dinhi sa Cebu ug kon mobiyahe, lingawling­aw na lang uban sa iyang asawa ug anak.

Sukad siya nigraduwar niadtong 2006, nakatrabah­o siya sa mga IT companies nga dunay mga operasyon sa abroad hinungdan sa kanunay niyang pagbiyahe. Busa nangitag paagi si Neil Clyde Kho, 33, graduate sa computer engineerin­g sa Cebu Institute of Technology University (CIT-U), nga makapundar og negusyo aron moundang na siya og trabaho. Sa hinayhinay, tungod kay

computer engineer, iyang gisuwayan ang piso-piso nga computer

games sa probinsya sa Sugbo. Gikan sa duha, nahimo kining upat hangtod nga niabot og 10 ka units. Sa pagkakaron, duna na siyay unom ka mga computer café, upat niini naa sa lalawigan samtang ang duha naa sa dakbayan sa Sugbo.

Sa tinguha nga iya pang malapalamb­o ang iyang negusyo, nangita siyag tawo nga makatudlo kaniya. Pinaagi sa Facebook, iyang naila-ila si Rey Calooy, presidente ug founder sa Filipino Cebuano Business Club (Filceb) ug tagiya sa RNC Marketing.

Nakatambon­g siya sa mga small-medium enterprise (SME) business seminars nga gipasiugda­han nila ni Calooy ug mga kauban sa Filceb.

Dinhi, anam-anam nga nabukas ang iyang panglantaw ug nihatag kaniya og ideya nga mas daghan pa siyang mabuhat ug matabangan.

Niadtong Nobiyembre sa miaging tuig, iyang gihimo ang bug-at nga desisyon, ni-resign siya sa iyang trabaho sa usa ka technology company nga naghatag kaniya og dakong suweldo nga bisan ang iyang kita sa negusyo di pa kaayo makatumbas. Tungod sa inspirasyo­n ni Calooy ug mga kauban nga naa sa SME nga sector, iyang natukod ang University Café I-Hub.

“Nakita nako nga ang inter- net games makadaut sa kabataan kon palab-anan. So, akong gitukod ang University Café i-Hub,” butyag ni Neil Clyde.

Dinhi, gamit ang computer ug teknolohiy­a, makatudlo sila sa kabataan gamit ang prinsipyo nga connect, earn and learn sud sa iyang internet cafe.

Mga bata makat-on sa pagayo sa computer, photoshop ug uban pa diin mahimo silang mokita sa ilang nakat-unan s aiyang internet café.

Iyang plano mao usab ang paghimo sa iyang upat ka internet cafes sa lalawigan nga training institutio­n alang sa kabataan.

Pinaagi sa webinar (seminar nga gamit ang internet connection), makatudlo sila sa mga overseas foreign workers ( OFW) sa pamaagi sa pagnegusyo, diin ang ilang mga speaker mao ang mga personalid­ad sa natad sa negusyo, banko ug kagamhanan.

Sud sa tulo n aka seminars nga ilang napahigayo­n, gatusan na ang nanambong samtang dunay dul-an 1,000 ang ilang viewership sa internet kay ila kining gi-live.

Sa pagkakaron,ang kanhi trabahante nga karon negusyante, naglaum nga iyang matabangan ang kabataan nga makat-on ug mokita pinaagi sa teknolohiy­a samtang ang mga OFW makabaton og negusyo aron di na sila mahimuwag sa ilang tagsa ka pamilya.

Karon, kanunay na usab nga kauban ni Neil Clyde ang iyang asawa nga si Guada Marie ug bugtong nilang anak nga si Danielle, 5. /

 ?? PAGE NI GUADA MARIE KHO / GIKAN SA FACEBOOK ?? ■ PAMILYA: Tumong ni Neil Clyde (tuo) nga iya nang makauban kanunay ang iyang asawa si Guada Marie ug Danielle, hinungdan nga iyang gibiyaan ang kalibutan sa panrabaho bisan sa kadako pa sa iyang suweldo. Di kini ikabaylo sa oras uban sa iyang pamilya.
PAGE NI GUADA MARIE KHO / GIKAN SA FACEBOOK ■ PAMILYA: Tumong ni Neil Clyde (tuo) nga iya nang makauban kanunay ang iyang asawa si Guada Marie ug Danielle, hinungdan nga iyang gibiyaan ang kalibutan sa panrabaho bisan sa kadako pa sa iyang suweldo. Di kini ikabaylo sa oras uban sa iyang pamilya.

Newspapers in Cebuano

Newspapers from Philippines