Gilas mipildi sa Iran, 90-82; Wright maoy sunod tirador
Human sa kampanya sa Gilas Pilipinas sa 39th Jones Cup sa Taipei, tataw nga si Matthew Wright maoy modala sa tahas isip tirador sa gawas nga kaniadto obligasyon nila ni Jeff Chan, Larry Fonacier, Jimmy Alapag, Gary David ug Dondon Hontiveros.
Alang kang Alapag, adunay maayong ugma ang Gilas sa presensya ni Wright kon hisgutan ang three-point shooting.
“He’s a lights-out shooter,” paghulagway ni Alapag sa Fil-Canadian sniper dihang giinterbyu sa Spin.ph.
Ang 6’3” nga magduduwa maoy labing maayong nakaduwa sa Gilas Pilipinas sa Jones Cup.
Sulod sa siyam ka mga duwa, si Wright nag- average og 14 puntos ug nakatali kini og 25for-58 sa three-point area.
Si Wright, 26, anaa pa lang sa labing una niyang season sa Philippine Basketball Association (PBA) apan nalantawan nang daan ni Alapag nga mabuak niini ang iyang rekord sa PBA nga 1,520 ka three-point shots.
“If he stays in the PBA long enough, it’s very, very likely he’ll break the three-point record. He’s that good a shooter,” pasabot ni Alapag, kinsa usa na ka assistant coach sa Gilas Pilipinas.
“Absolutely. You look at the past Gilas shooters like Larry and Jeff, he fits right there in the same class this early in his career. He’s really just a knockdown shooter.”
Alang kang Wright, igo ra siyang nagtuman sa iyang obligasyon sa Gilas.
“I’m not doing anything extraordinary, man,” matod sa pambato sa Phoenix Fuel masters. “My job in the team is to make shots and if I’m not making shots, then I’m not doing my job. All I had to do was make shots and I’ve been shooting my whole life.”
Sa katapusang duwa sa Gilas sa Jones Cup, si Wright nagpakatap og 20 puntos aron tabangan ang mga Pinoy sa pagpukan sa Iran, 90-82.
Ang Gilas ninghuman sa Jones Cup dala ang 6-3 nga rekord nga nagpahiluna kanila sa ikaupat.