JONA SOQUITE MIDAUG SA THE VOICETEENS
Ang 14-anyos nga si Jona Soquite sa team ni Sarah Geronimo ang gideklarar nga labing unang kampiyon sa grand finals sa The Voice Teens sa ABS-CBN niadtong Dominggo.
Nakahilak sa kalipay si Jona, kinsa wala magtuo sa maong kadaugan tungod sa mga tawo nga nagduda kuno sa iyang katakos sa pagsugod sa maong kumpetisyon.
“Noon po sinasabi nila, nababasa ko sa comments na ayaw nila ako sa competition na ito pero sa nakita ko po ngayon, halos kalahati po 'yung naniwala sa akin. Sobrang saya ko po na naipakita ko po sa kanila ang tunay na Jona.” Si Soquite nakakuha og 44.78 percent sa total votes, gisundan ni Isabela Vinzon, 22.42, Mica Becerro, 17.79 ug Jeremy
Glinoga, 15.01 percent. Ang iyang premyo house and lot, P1 million, ug recording and management contract, business package, ug uban pa. Kon unsay buhaton niya sa premyo? “Ibibigay ko po sa pamilya ko, lalo na po 'yung bahay na talagang pinakaimportante po sa amin dahil delikado sa tinitirahan namin ngayon dahil nasa tabi po kami ng ilog. Thank you talaga kay Lord na ako yung pinagkalooban niya ng ganitong title.”
Sama ni Soquite, wala sad magtuo si Geronimo sa maong kadaugan.
“Hindi ko po ine-expect na mangyayari ito. Sobrang wow! Abot-abot ang pasasalamat ko sa Diyos,” ni Sarah.
Mao ni ikatulong higayon nga nakadaug ang manok ni Geronimo sa “The Voice” human ni Lyca Gairanod, ang unang winner sa “The Voice Kids” ug Jason Dy, ang nidaug sa second regular season sa maong singing competition.