Mga angkan

Dear Noy Kulas,

Maayong adlaw. Tawga lang ko og Frank, nanimpalad diri sa abroad aron makatigom aron ready na ko kon duna na koy pamilya kay mag 34 na ko rong tuiga.

Wa ko magdahom nga ari sa abroad ko makakita sa mga babaye nga akong makarelasyon nga serious kay ang akoa sa una pulos ra dinala sa pagkabatan-on. Taguon lang nato sila sa ngan nga Farrah ug Mel.

Kini si Farrah, Noy, biyuda kay namatay na iyang bana few years ago. Pero duna si- yay ka live in karon nga naa sa Pilipinas. Ang lalake maoy nagbantay sa iyang mga anak nga gagmay pa. Buotan ug caring si Farrah nako. Nasakit na ko ug siya ang nag-atiman nako. Ganahan ko niya nga maoy akong minyoan, pero ang akong parents di ganahan kay angkan na siya.

Si Mel minyo pero buwag sa bana. Naa nay laing pamilya ang iyang bana. Ni- abroad siya aron duna siyay ikasuporta sa iyang mga anak kay ang amahan wa na magtagad sa ilang mga anak. Buotan gihapon siya ug way problema. Pero ang akong parents di gihapon ganahan. Ngano kunong mga babayeng angkan ang akong gipili? Wa ba diay kuno ko kakita og single?

Sa tinuod lang, sa mga single nga akong narelasyon, wa koy nauyonan, Noy, kay pulos mga siaw ug kasaligan. Maayo ning mga angkan kay responsible. Kon mopili ko nilang duha, kinsa may akong pangasaw-on? Unsa may imong itambag?

FRANK

Frank,

Naa n aka sa hustong edad busa husto na ang imong paminsar aron mohimo og kaugalingon nga desisyon. Nganong mag agad ka man sa imong mga ginikanan sa desiyon sa imong kinabuhi nga alang sa imong future? Ikaw man ang makigpuyo sa imong asawa, di man sila. Himoang guide ang ilang gisulti, apan ayaw kalawata kon sa imong tan-aw sayop sila. Kadaghang single mother nga mga buotan ug responsable.

Kon mangutana ka, ari ko sa mas sayon. Kanang way sabit ang relasyon. Kanang way tawo nga masuko kon imong minyoan ug pakaslan. Kanang di ka maproblema. Sa kang Farrah naa na siyay kapuyo. While kang Mel wala. Mas menos ang labad sa ulo, mas maayo.

NOY KULAS