FIGHTER WINE, SG-ARQ, 2-0 NA
Mga duwa karon:
6:30 pm. - Riss vs. Aspa
7:30 pm. - Fighter Wine vs. Gullas
8:30 pm. - SG-ARQ vs. San Remegio
Gipakita sa SG-ARQ Builders ang ilang kaandam sa pagpakgang sa Samsam Gullas team nga makalabni sa ilang ikatulong sunodsunod nga kampyonato human kini nila pildiha, 109101, niadtong Dominggo sa gabii sa 10th Emil's Fresh Chicken Fiesta Cup sa Minglanilla Sports Complex.
Hinuon dili sayon nga kadaugan ang naangkon sa Builders ni coach Marvin Caro sanglit nakabaton pa kini og dakong hudlat sa Samsam team ni coach Garry Cortes sa nahabiling sais minutos sa duwa.
Naglabaw ang SG, 79-72, sa pagkapupos sa third quarter, apan pinaagi nila ni Jay Callado ug kanhi PBA player Dennis Daa, ang Samsam Team mipabuto og 9-2 nga rally aron sakmiton ang labaw, 8987, 5:15 segundos ang nahabilin sa oras ug nainat pa kini ngadto sa 98-93 nga labaw.
Nisugod pagbalik ang dominasyon sa SG sa dihang naghugpong ang mga beteranong sila si Eman Calo, Hercules Tangkay, Ferdinand Lusdoc ug Reed Juntilla nga maoy nagkulit og lungag ngadto sa ilang kadaugan.
Sa sayo pa, ang Fighter Wine, sama sa SG, mirehistro usab sa ilang ikaduhang daog pinaagi sa pagbuntog sa Aspa Formworks and Scaffoldings, 100-82.
Ang D-League mainstay nga si Joseph Nalos Jr. mipabaha og 33 puntos nga giabagan sa mga beteranong sila si Danny Aying ug Jayford Rodriguez nga may tag 19 ug 16 puntos matag usa alang sa Fighter Wine ni coach Reggie Licanda nga may 2-0 nga baraha.
Ang San Remegio Properties, human sa ilang unang adlaw nga kapildihan sa Fighter Wine, nakabawi usab pinaagi sa paglubong sa Riss Lending/ Eagles Express, 100-84.
Si RP Team member Paul Desiderio ang nangulo sa San Remegio nga may 21 puntos, lakip na niini ang iyang pagpabanda sa bola ngadto sa board ug dayong hansak.
Mipupo usab si Olivares og 14 samtang 13 ang napuga ni Adrian Lao.
First game:
Fighter Wine (100) – Nalos 33, Aying 19, Rodriguez 16, Cavan 15, Yap 5, Adriente 4, Bruzon 4, Nebril 3, Villegas 1. Aspa (82) – Acha 21, McLoney 19, Cesa 9, Cineza 6, Anfone 6, Filoteo 5, Codilla 5, Dablo 5, Dela Rama 4, Canete 2. Second game:
San Remegio (100) – Desiderio 21, Olivares 14, Lao 13, Dimco 11, Cincoflores 10, Aguirre 9, Regalado 8, C. Cortes 4, Taboada 4, Auditor 2, Sumayang 2. Riss/Eagles Express (84) – Omolon 19, Baribe 14, Dennison 13, Cruz 11, Latonio 9, Sanoria 9, Kong 6, Espina 3. Third game:
SG-ARQ (109) – Lusdoc 31, Tangkay 21, Calo 17, Abad 12, Gudez 9, Juntilla 7, Berme 4, Mondragon 2, Minguito 2, Villaver 2, Abadia 2. Samsam (101) – Collado 24, Dennis Daa 18, Gahi 15, Dino Daa 12, Sanz 10, Delator 6, Aguilar 6, dela Cerna 4, Botohan 2, Villacera 2, Tarosa 2.