KINSAY SUNOD?
DRUG CASES SA REGION 7 GIPANGHIKAY
Inihap na ang mga adlaw sa mga "dagkong isda" sa sindikato sa gidiling drugas sa Central Visayas (CV).
Ang Criminal Investigation and Detection Group-7 (CIDG) nangandam ug nagtigom og dugang ebidensiya batok sa mga personalidad nga gihinganlan ni President Rodrigo Duterte nga nalambigit sa illegal drugs sa CV.
Mao kini ang gibutyag ni Supt. Royina Garma, hepe sa CIDG 7, ngadto sa Superbalita Cebu ug dyHP, bahin sa paglusad og dakong operasyon sa mga umabot nga adlaw.
Nitumaw kini human sa hitabo sa Ozamis City diin ang mayor sa dakbayan lakip ang iyang asawa, anak ug mga kabanay sa pamilyang Parojinog ang napatay sa ronda kaadlwon sa Hulyo 30.
Nabuhi usab ang isyu ni Peter Lim ug ubang Sugboanong personalidad nga naglakip sa inilang pulis.
Ang Department of Justice (DOJ) niluwat og immigration lookout bulletin order (ILBO) bato kang Peter Lim.
Si DOJ Usec. Erickson Balmes, gikutlo sa ABS-CBN News online, nipasabot nga lahi sa Hold Departure Order (HDO), ang ILBO pwede ra mabiyahe kini apan bantayan lang sa Bureau of Immigration (BI).
Mayor Loot
Usa sa gihinganlan ni Duterte mao si Daanbantayan Mayor Vicente Loot niini nga wa siya mabalaka. “Whatever happens to me they will be held accountable,” sumala sa mayor sa Daanbantayan, kinsa misalig sa kapolisan isip iyang tigpanalipod ug dili modaugdaog.
Subli nga gibarugan ni Loot nga gilimpyohan na sa Criminal Investigation and Detection Group (CIDG) ang iyang pangan sa gihimo nga imbestigasyon niadtong Nobiyembre sa miaging tuig.
Si Loot niingon nga andam maimbestigahan og balik aron limpyohan ang pangan.
Si Garma nihulagway ang nahitabo sa pamilyang Parojinog nga dakong pasidaan sa narco-poloticians.
Gipasabot ni Garma nga sukad pa kaniadto nabaniog na dili lang sa Mindanao, lakip sa kabisay-an ug Luzon, ang sindikato sa pamilyang Parojinog apan wala matandog tungod sa impluwensiya niini.
"Public knowledge because it is an information coming from the community mismo, at saka yan ang lumalabas sa mga information ever since, kaya ang police nakapag start gumawa ng case build up because of an information na involved sila," matod ni Garma.
Nikabat sa 15 ka mga tawo ang napatay sa Ozamiz nga lakip sa mayor ug asawa ug igsuong board member sa lalawigan.