Drugs, gamit sa suertres, cash nasakmit sa CPDRC
Nasakmit sa mga awtoridad ang daghang mga kontrabando, lakip na sa 20 gramos nga gituohang shabu sa raid sa Cebu Provincial Detention and Rehabilitation Center (CPDRC) sa Barangay Kalunasan, Cebu City kagahapon sa hapon.
Si Chief Insp. Rolan Aliser, Provincial Drug Enforcement Unit (PDEU) commander,
niingon nga gibana-banang P236,000 ang balor sa drugas base sa Dangerous Drugs Board value.
Siya niingon nga nadiskobrehan ang shabu sa usa ka
egg tray sa kantin sa pasilidad. Way kontrabandong nakuha gikan sa selda sa giingong drug lord nga si Alvaro “Barok” Alvaro.
Gawas sa illegal drugs, mga operatiba sa PDEU, Provincial Intelligence Branch (PIB) ug Philippine Drug Enforcement Agency-Central Visayas nakasakmit og cash balor og P18,800 nga gituohang kita sa illegal numbers game nga mas nailang “swertres,” tally sheets, stubs, ug 27 ka cell phones. Si PIB Chief Joie Yape Jr. niingon nga ilang sutaon ang
cell phones aron subayon ang mga transaction gawas sa jail.
Nakasakmit usab siya og hait nga mga hinagiban.
Mga butang nga nasakmit gitugyan ngadto sa kadagkuan sa bilanggoan.
Di kini unang higayon nga dunay nasakmit nga illegal
drugs sud sa pasilidad taliwa sa hugot nga pagbantay sa mga awtoridad.