SINDIKATO GIKAN SA BILIBID TIKLO

Nailhan na sa Cebu City Police Office (CCPO) kinsa ang link sa siyam ka tawo nga nasikop sud sa usa ka mahalong hotel sa uptown area sa siyudad sa Sugbo niadtong Dominggo sa gabii nga usa ka dakong grupo nga gipadagan sa usa ka sindikato sa ilegal nga drugas gikan sa New Bilibid Prison.

Matod ni P/SSupt. Joel Doria, hepe sa CCPO, nga dako ang distribution sa ilegal nga drugas sa grupo sanglit migamit na kini og online sa pagpamaligya.

Gidayeg ni Doria ang management sa hotel nga daling nakahatag og kasayuran sa kapulisan labot sa kadudahang lihok sa ilang guest nga miresulta sa ilang pagkasikop.

Gisubay sa kapulisan sa siyudad sa Sugbo ang ilang source sa drugas ug link sa mga suspek ug dinhi ilang nasuta nga tulo ka big time drug group nga naglihok sa tibuok nasud ang ilang kuhaanan.

Giingong gikan kini sa New Bilibid Prison nga ilang dalhon sa siyudad sa Sugbo ug lakip na sa Cebu City Jail nga diin dunay usa ka drug personality nga padayon sa iyang ilegal nga negosyo bisan pa kini nabilango na.

“Tatlong grupo ang nakita natin na lahat yun ang link nila Bilibid, pero dumadaan din sa city jail natin, yung binabangit na personalities na mga malalake sa Bilibid pasok sila duon,” matod ni Doria. Ang grupo di lang Central Visayas ang ilang area sanglit naabot usab sila sa rehiyon 8 sama sa Abellana drug group. Gitug-an ni Doria nga halos sa ilang high value target nahurot na nilag ka kuha nunot sa ilang padayon nga Oplan Pokemon nga kabahin sa one

time big time operation matag semana.

Tungod niini mibalhin og laing paagi ang mga drug

player sama sa pagsud og mga hotel ug didto sila mohimo sa ilegal nga negosyo sa pagtuo nga di sila masikop.

Makig-alayon usab karon ang Fuente police station sa PNP Cyber Crime Group-7 aron maila kinsa ang mga tag-iya niadtong mga account

number nga dunay pin code nga gituohan nga nabiktima sa scam. /