Food park ilusad sa Mandaue; gipaabot nga tapuk-an

Gipanglantawan nga dagsaon sa publiko ang pagbukas sa pinaka-unang Mandaue Food Park nga gikatakdang ilusad sa kagamhanan sa dakbayan ugmang adlawa.

Matod ni Sweet Josephus Bihag, tourism officer sa Dakbayan, nga kapin sa 30 ka mga stall ang mamaligya og mga pagkaon sa food park.

Bukas ang food park matag Biyernes hangtod Dominggo gikan alas 6 sa gabie hangtod alas 2 sa kadlawon, apan mas sayo ang pag-abli niini matag Dominggo gikan sa alas 2 sa hapon hangtod alas 11 sa gabie.

Karong adlawa, gikatakdang makigtagbo ang tourism office sa kapulisan ug kabomberohan aron mahisgutan ang seguridad sa food park nga mahimutang atubangan mismo sa city hall.

“Actually, we worked out na on the security and safety of the

food market,” ni Bihag sa Superbalita Cebu.

Dugang niya nga nagkadaiyang street foods, sea foods sama sa saang ug nukos, pastries ug sugar-free ice cream ang ibida sa 34 ka mga stall sud food market.

Sumala pa ni Bihag nga wa nay bakante nga luna sa buot nga mokuha og stall sa maong food market apan posible pa kini nga mapun-an human nila ipaubos ug assessment ang paglusad.

Sa milabay nga buwan pa unta buksan ang food market apan nauswag nunot sa kadugay sa pagkuha sa mga ekipo alang sa mga stall sa food market.

Saysay pa ni Bihag nga ilang giatol ang pagbukas sa maong food market sa pagbukas sa Charter Day ug Mandaue Business Month. /

/ TAMPO SA MANDAUE CITY PIO ■ GiDONar: Sila si Mandaue City Mayor Luigi Quisumbing (wala nga motorsiklo) ug Bise Mayor Carlo Fortuna (tuo nga motorsiklo) midawat ning duha ka mga sakyanan nga gidonar ni negusyante Regan King (tunga, nagbarog) sa miaging adlaw. Ang mga motorsiklo...