Kinse ka adlaw?

Base sa kamanduan ni PNP chief Director General Ronald dela Rosa ngadto sa iyang mga regional, provincial ug

city directors nga hingusgan ang kampaniya batok sa illegal nga sugal. Sa maong kamanduan, gihatagan ni Bato Dela Rosa og 15 ka adlaw ang iyang mga field commanders nga puhagon ang illegal nga sugal kay kon dili hulipan o ipa- relieve sila.

Posible kaha kini? Unsa may pagtuo ni Dela Rosa nga magikero nang iyang mga hepe sa kapulisan? Para nako morag nagdamgo lang si Bato. Sus, kanang sugal diha na na panahon pa ni Hesu Kristo. Matod sa Bibliya nga sa dihang mibisita si Kristo didto sa Templo, iyang gipangyabo ug gipangtikwang ang mga lamesa nga gisugalan ug iyang gipahimangnuan ang mga tawo nga nahilambigit niini nga mohunong na sa maong bisyo kay ang sugal iya sa demonyo. Unya mga sugarol ang kadaghanan atong dose ka disipulo ni Kristo.

Unsa man ang mga sugal karon dinhi sa ato? Sabong o tigbakay, hantak ug mga suwertres, masiao ingon man mga video carrera ug moliLisud kining sumpoon gumikan kay kining sugal nahimo na usab kining panginabuhian sa kadaghanan labi pa kadtong mga walay tinong

income ug trabaho. Wala man ako mag- promote aning sugal kay dili man ko sugarol, apan mas maayo na lang pod ni kon itandi sa illegal nga drugas. Makaboang nang drugas. Pero aduna pod kini koneksiyon gumikan kay daghang mga sugarol, tiggamitan man usab ug

illegal nga drugas. Kana kunong mga kusog mosuyop, mahilig man sab kuno moduwa aning mga video carrera ug moli-moli. Sama aning kampanya batok sa illegal nga drugas, ang mga gagmay ra man sab ang pangdakpon. Nganong dili man nila rumbuhon usab kining mga na-ila nga mga gambling lords sama ni Bong Pineda didto sa Luzon nga maoy gi-ilang King of Jueteng. Dinhi sa ato daghan ang na-ilang mga gambling lords apan naa pa man lagi na sila diha? Kon tinud-on ni Bato ang iyang kamanduan, maayo pay mamutos lang daan nang iyang mga

commanders kay alang kanako, imposible gyud kini.