Search warrant
Dunay mikuwestiyon sa pagsilbi sa search
warrant sa panimalay ni Ozamiz City Mayor Reynaldo Parojinog Sr. niadtong Dominggo sa kaadlawon nga nisangpot sa iyang kamatayon, sa iyang asawa ug sa laing 13 ka mga tawo.
Si Director General Ronald “Bato” dela Rosa, hepe sa Philippine National Police (PNP), niingon nga ang usa ka search warrant mahimong isilbi sa bisan unsang orasa, bisan sa kagabhion.
Sumala pa sa Rule 126 sa Revised Rules on Criminal Procedure, “A search warrant is an order in writing issued in the name of the People of the Philippines, signed by a judge and directed to a peace officer, commanding him to search for personal property described therein
and bring it before the court.”
Ang search warrant susama sa mode of discovery sa mga kasong sibil aron sa pagkuhag dugang ebidensiya sa pagpalig-on sa usa ka kasong kriminal nga gipasaka batok sa akusado.
Gidili ba sa Batakang Balaod ang pag- search o pagsiksik? Wa, ang gidili mao lamang ang mga unreasonable searches and seizures. Ug ang search and seizure mahimong di makatarunganon kon gihimo kini nga way warrant. Luwatan sa hukmanan ang usa ka search warrant kon dunay probable cause niini. Mao kini
ang “facts and circumstances that would lead a reasonable discreet and prudent man to believe that there has been a crime committed and the things and objects connected to the crime committed are in the place
to be searched.”
Mas istrikto ang rikisto sa pagluwat og search warrant kay sa arrest warrant tungod kay ang katungod batok sa di makatarunganon nga pagsiksik ug pagsakmit nahilakip sa katungod sa kinabuhi, kagawasan ug kabtangan.
Sumala pa sa Sec. 4 sa maong lagda, “A search warrant shall not issue except upon probable cause in connection with one specific offense to be determined personally by the judge after examination under oath or affirmation of the complainant and the witness he may produce, and particularly describing the place to be searched and the things to be seized which may be anywhere in the Philippines.”
Kadtong lang mga lugar nga gihinganlan sa search warrant ang mahimong pagasiksikon ug kadtong mga butang gihinganlan mao lang ang mahimong pagasakmiton aron di makapataka ang mga tinugyanan sa balaod sa pagsiksik ug pagsakmit sa mga butang, gawas lang kon gidili ang paghupot niini sa balaod.
Ang search warrant susama sa mode of
discovery sa mga kasong sibil aron sa pagkuhag dugang ebidensiya sa pagpaligon sa usa ka kasong kriminal nga gipasaka batok sa akusado.