Peter Lim wa pakita
Atong sabton nga ang wa pagpakita sa Sugboanong negosyante nga si Peter Lim, gitumbok nga drug lord atol sa
hearing sa Department of Justice ( DOJ).
Mahimong atong sabton ug ipaagi og pangutana nga naniguro lang usab sa kaluwasan sa iyang kinabuhi si Lim
Patay na si Mayor Parojinog sa Ozamiz City, asawa,
board member nga miabot sa gidaghanon sa 16 ang kinatibuk-ang nangamatay sa gitawag og one time raid.
Gipatay si Albuera Leyte Mayor Roland Espinosa sud mismo sa prisuhan dihang gisud sa mga sakop sa CIDG 8.
Kon akoy Peter Lim, kinsa may di mahadlok kon imong tan-awon ang mga nahitabo ni Espinoza ug Parojinog.
Atong kuwayan madamay unya ang mga sakop sa pamilya ni Lim, wa intawoy labot. Sama sa kabanay ug mga sibilyan dihang gipatay si Parojinog.
Sayon ra man gud basahon ang body language sa Presidente ilabi na nga iya nang gibahad.
Di ba sa unang adlaw sa paglingkod sa Presidente sa katungdanan nalitok niini ang pangan ni Lim nga sakop sa triad sa sindikato sa drugas.
Ug iyang patyon inig kanaog sa eroplano pagtugpa niini sa Ninoy Aquino International Airport ( NAIA) gikan sa Hong Kong.
Kon ako si Peter Lim, atubangon ang kaso ngadto sa DOJ aron malimpyuhan ang pangan niini sa kalambigitan sa illegal nga drugas.
Wa man gani mahadlok si Kerwin Espinoza, ang anak sa napatay nga mayor, sa pag-atubang sa DOJ. Di ba kaha kay nahibawo na daan nga minteryo ra man gihapon iyang padulngan?
Si Kerwin mibarog nga testigo batok sa kalambigitan ni Lim sa ilegal nga drugas.
Pero pabor ko sa pagpaagi sa hustisya. Kini hinuong pagpapatay sa mga dagko nakapahadlok sa mga.gagmay.
Atong kuwayan madamay unya ang mga sakop sa Pamilya ni Lim, wa intawoy labot.