Luke mimakmak sa Trangia sa FYA

Nasakmit sa Luke ang ilang ikaduhang daog human ilang gibaraw ang Trangia Sportswear, 102-85 sa nagpadayon nga ika-20 nga season sa F. Llamas Youth Association (FYA) didto sa sitio Manggahan sa barangay Punta Princesa, ning dakbayan.

Upat la players sa Luke ang mibahug og double figures nga gipangulohan ni Lito Mirasol sa iyang 20 puntos ug siya naoy napiling best player of the ballgame.

Si Milfred Sampelo maoy nangu sa Tangia Sportswear sa iyang 25 puntos samtang may 24 puntos si Eman Reubal.

Sa laing duwa, mipabuhagay og 9-0 ang Micaela sa nahibiling pipila ka minutos aron patapsingan ang Red 520, 92-91.

Usa sa three-pointer ni Ryan Dacayana ug mga krusyal nga puntos gikan ni Almond Danding aron baswaton ang Micaela kinsa aduna nay 1-1 nga baraha ug nagtabla sa Trangia Sportswear ug Red 520.

Si Dacayana maoy napiling best player human siya moburak og 24 puntos samtang midugang og 17 puntos si Noel Medalle. Si Danding mitampo og nuybe puntos alang sa maong kadaogan.

Ang Red520 gipangulohan ni Ashley Mendoza sa iyang 16 puntos. Puntos matag usa: First Game: Luke (102)--- Mirasol 20, De Gracia 20, Atuel 14, Reyes 10, Abella 8, Jean Mark 6, Barro 4, Garcia 4, Planas 3, Tabaña 2, Sabalande 2. Trangia (85)--Sampelo 25, Reubal 24, Arreglo 6, Taray 6, Coronel 6, Dudalo 5, Malicay 3, Matañoza 3, Trinidad 2. Second Game: Micaela (92) - Dacayana 24, Medalle 17, Labrador 11, Lavandero 10, Macachor 9, Danding 9, Antiporta 5, Parba 3, Trocio 2, Ylanan 2.

Red520 (91) - Mendoza 16, Ramirez 15, Encarquez 12, Manalili 9, Villaver 7, Endrina 6, Alkuino 4, Rara 4, Tabas 3, Samson 2.