50 KA ARMAS NASAKMIT
GUN SMUGGLER SA DANAO NASIKOP; MGA PULIS ‘TIGPALITAN’
Daghang mga armas nga nagkadaiya ang kalibre nasakmit sa kapulisan sa ilang ronda sa usa ka balay sa gun smuggler sa Brgy. Suba, dakbayan sa Danao, niadtong Miyerkules sa gabii.
Mokabat sa 50 ka mga pusil ang nakuha sa mga sakop sa Provincial Intelligence Branch (PIB) 7 gikan sa suspek nga si Romel Pinote, 45, kinsa negusyante usab og inasal nga baboy. Nisikop kaniya mao ang
joint team sa PIB nga gipangulohan ni Supt. Joie Yape Jr., Regional Intelligence Division (RID) 7, Police Drug Enforcement Unit (PDEU) ug kapulisan sa Danao.
Si Yape niingon nga nakadawat sila og impormasyon sa ilegal nga negusyo ni Pinote.
Human nila makompirmar ang kasayuran, ni- apply sila og search warrant kang Regional Trial Court (RTC) Branch 66 Judge Jacinto Fajardo, Jr. sa dakbayan sa Talisay.
Gibana-bana ni Yape nga mobalor og P200,000 ang balor sa mga armas nga ilang nasakmit.
Kini gilangkuban sa 14 ka kalibre .45 nga pistola; 11 ka
.38 kalibreng revolver; lima ka 9mm pistol; ug 19 ka .22 caliber magnum revolver.
Si Pinote nga nahinabi sa Superbalita Cebu nagkanayon nga usa ka opisyal sa kapulisan nga nagranggo og koronel ang ni- order kaniya.
Laing duha ka pulis ni order kaniya og tulo ka mga armas, apan wa niya nganli ang tanan.
Ang iyang nahibaw-an nga gamiton sa mga pulis ang maong armas nga gi- order.
Ang mao nga mga pulis dugay na niyang kaila.
Gawas sa mga pulis, dunay mo- order niyag armas nga mga pulitiko, gani panahon sa
election ingon man Pasko. Gibutyag niya nga nadakpan na siya kaniadto ingon man ang iyang mga sakop sa pagpamligyag paltik nga armas apan nakapiyansa.
Kaniadto gun runner lang siya apan dihang nakautang og puhonan, gigamit niya sa pagnegosyo niini.
Dunay mga manghimoay og armas sa bukid ang motumod kaniya ug iyang pamaliton ug ipamaligya sa mga buyer.
Apan ang mga armas nga nasakmit sa PIB ug mga kauban pulos wala pa mahalin. /