TALK TO PAPA JOE

Idol

Dear Papa Joe,

Just call me Mildred, 27 years old nga taga Talisay City. Maora og ka usa ra ko naka experience og relasyon. Siguro walay maibug nako kay di man ko gwapa.

Karon naa koy nagustuhan pero wala ko mag expect nga magka kami ha. Pero type lang nako siya. Usa siya ka player sa basketball. Kanang naay mga dagko nga liga, di gyud ko mo absent nga motan aw nila basta moduwa. Pero inig kita nila nako, sungogsungogon mi sa iyang kauban. Iya ra kong katawan. Kahibawo ko giluod siya nako pero okay ra nako. At least napansin ko niya. Naa na sad ni siyay uyab ug dugay na.

Ambot di man sad ko mangilog kay kabalo ko di gyud magkakami pero idol kaayo nako siya sa basketball. Sa tinuod, mainsulto na lang ko nila sa ilang pag bully nako pero di man nako malikayan nga motan-aw nila. Sakto ba kaha ni akong gibuhat? Palihug tambagi ko.

MILDRED

Mildred,

As a fan, wala nay problema pero as an admirer, basin masakitan lang ka. Bisan normal na, pero basin sa sige nimo og tan-aw mo develop og maayo ug ma- obsess na hinuon ka. Basin unsa pay epekto ana nimo. Ug usa pa, di gyud maayo mo- allow ka og bugalbugal kay babaye ka.

Kon idol gyud nimo siya sa duwa, mas maayo di nalang ka paduol, palayo lang para di ka nila makit-an ug yagayagaan. Pero kon gugma na, mao nay giingon nga antuson nimo ang pagbinuang nila nimo.

Siguro sad mas maayo magpakitabang ka sa kamao nga mopaarte nimo. Basin wa sad kay gam sa imong self mao nga di ka mapansin. Pero ayaw sad patas-i imong standards. Basin imong gusto kanang pareha sa player.