Heritage Production, Parkmall garbo nga mopresentar sa Bisrock concerts nga 'Smash'
Sa pagsuporta sa mga musikang Bisrock, ang Heritage Productions uban sa Parkmall mopresentar sa sunodsunod nga "Smash" concerts.
Ugma, Agusto 19, ang Smash # 02: Bisaya Beats, featuring Agipo, The Agadiers, Emping, Indephums, ug dagang pang uban.
Sunod buwan, ang Smash #03: Aggressive Audio, Scramble Eggs, KDB, Makadawa ug daghan pa.
Ang konsiyerto ipahigayon sa Parkmall grounds ug libre kini. Kini nisunod human sa malampusong unang Smash #01 niadtong Hulyo 29.
Ang matag konsiyerto gipahinungod
ni anhing Ramil Dizon a.k.a. DJ Ram tungod sa iyang dakong natampo o tabang sa pagpasikat sa mga kanta nga Bisrock, sama sa pagpatukar kanunay niini sa iyang programa ug ubang events.
Ang Cebuano writer Januar E. Yap ang unang nigamit sa pulong "Bisrock" niadtong 2002. Sukad niadto ug sa tuig 2005, ang kanhi Smash FM 93.1 nisagop sa pulong nga Bisrock ug nagsugod sa pagpatukar sa mga lokal nga musika gikan sa independent Cebuano bands sama sa The Ambassadors (Gugmang Giatay), Smooth Friction (SOLID & Kanimo), ug Jimmycycle (Unsa Ning Tamaa?).
Nisikat pag-ayo sa Bisrock ug nahimong usa ka cultural
phenomenon ubos sa pagpanguna ni Marit Stinus Cabigon, ang kanhi station manager sa Smash FM ug anhing Ramil Dizon a.k.a DJ Ram.
Sila si DJ Ram ug Bre Ambungan dunay buntagon nga
comedy show sa kahanginan nga nag-ulohan og "Tingog Kabataan," diin nagpatukar sa Bisaya rock songs.
Sa unang Smash #01, ang grupo nga Indephums ug Emping (kanhi Assembly Language vocalist) mao malampuong nihimo sa ilang konsiyerto nga gipahinungon ni DJ Ram.