Ex-CAAA champions magsangka'g balik
Mga batid nga basketball
fan sa Sugbo ang makabaton og laing kahigayonan nga makasaksi na usab sa ilang mga kanhi idolo sulod sa korte sa dihang ipahigayon sugod ugmang adlawa ang friendly match tali sa upat ka champion teams niadtong panahon pa sa Cebu Amateur Athletics Association (CAAA).
Mga inilang basketbolista kaniadto nga nakakulit og pangalan sa mga dagkong lega lakip na sa PBA sama kanila ni Ramon “Montoy” Singson, Elmer “Boy” Cabahug, Bonel Balingit, Jojo Lim, Roehl Gomez, Felix Duhig ug uban pa ang mopahigayon og duha ka adlaw nga torneyo sa Mandaue City Cultural Center and Sports Complex nga giulohan og “Battle of Champions” Rewind.
Gipasiugdahan sa CAAA Basketball Alumni Association (CBAA) ug a D’Legend Fela Basketball, Inc., ang tumong ning maong exhibition ug friendly pocket tournament mao nga makahatag og ayuda pinansiyal ngadto ni Olympian coach Jake Rojas kinsa anaa na karon sa talandugon nga kahimtang. Ang upat ka mga CBAA
teams nga magtigi mao ang CIT) Wildcats nga pinangulohan ni 3-Point King Felix Duhig, UV Lancers pinangulohan ni Montoy Singson, USJR Jaguars pinangulohan ni Pablo Yu ug CCC Mariners (UC) Webmasters pinangulohan ni Inocentes “Jun” Montalbo.
Ang mga starting fives sa matag team naglakip kanilang Duhig, Anjo Nicanor, Andot Fuentes, Lyndon Kiseo ug Roy Donaire alang sa CIT Wildcats, Singson, Junjun Cabanca, al Solis, Boy Cabahug, Jojo Lim ug Bonel Balingit alang sa UV Lancers, Yu, Roel Abella, Leodi Garcia, Edito Salacut ug Rey Abarquez alang sa USJR Jaguars ug silang Ope Abellana, Reggie Licanda, Aldrin Barola, Joshua Alguno ug Roel Gomez alang sa CCC Executives Mariners.