Yap may labing taas nga rating
TAGBILARAN CITY - Gipagawas na ang resulta sa Bohol Poll 2017 nga gipahigayon sa Holy Name University (HNU) Center for Research and Publications nga gipresentar niadtong Agusto 16. Base sa survey results, si Governor Edgar Chatto nakakuhag 85 porsiyento nga net satisfaction rating gikan sa tulo ka mga distrito samtang si Vice Governor Dionesio Balite nakakuhag 70 porsiyento nga net satisfaction rating. Sa mga kongresista, si Bohol 2nd district Kong. Aristotle Aumentado may labing taas nga rating nga anaa sa 85 porsiyento samtang nakuha ni Tagbilaran City Mayor John Geesnell Yap II ang labing taas nga net satisfaction rating nga 98 porsiyento.