BLATCHE DILI NA KADUWA SA GILAS?

Wala pa’y tino kon makakuha ba og natuaralized player ang Gilas Pilipinas nga makatabang sa ilang kampanya sa FIBA World Cup qualifiers sugod karong Nobiyembre.

Gipasabot ni Gilas coach Chot Reyes nga dili sayon ang pagkuha kanbg naturalized center Andre Blatche ning higayuna gumikan kay komplikado ang format ug

schedule sa qualifiers alang sa 2019 Fiba World Cup sa China. Sa bag-ong home-and-away

format, ang Gilas Pilipinas moasdang sa mga balwarte sa Australia, Chinese Taipei ug Japan unya mo- host sab ning maong teams.

Si Blatche mobalik og duwa karong Nobiyembre sa Xinjiang Tigers sa Chinese

Basketball Associaition (CBA) ug wala’y kaseguroan nga buhian kini sa Tigers alang sa qualifiers.

Ang kanhi magduduwa sa National Basketball Association (NBA) wala na’y kontrata sa Gilas.

“There’s a complication with Andre Blatche because by November he will be playing in his Chinese team so we don’t know if his Chinese team is going to allow him to play,” matod ni Reyes sa interbyu sa Spin.ph.

“Hindi namin mapaalam si Andre because we need to have something concrete, we don’t have something concrete kasi hindi namin alam kung anong package ang ibibigay namin sa kanya.” Si Fil-German big man Christian Standhardinger mihulip kang Blatche sa kampanya sa duha ka Gilas teams sa miaging FIBA Asia Cup ug 29th Southeast Asian Games.

Apan karon sab Nobiyembre, moduwa na si Standhardinger sa Hong Kong Eastern Lions sa Asean Basketball League (ABL).

“That’s just how difficult our situation is. Maybe some of you are saying nagpapa-cute lang kami dahil wala kaming maisagot pero that’s the truth, mahirap ang situation namin,” batbat ni Reyes.

Midugang si Reyes nga nakigsabot sila og ubang mga magduduwa nga puwedeng mahimong naturalized player sama sa pipila ka imports sa PBA apan lisod sab ang proseso niini. / ESL