Terminal sa Ormoc ayuhon
ORMOC CITY,LEYTE - Gisugilon sa Department of Public Works and Highways sa kwatro distrito sa Leyte nga ayuhon na ang terminal sa airport sa Ormoc nga naguba sa bagyong Yolanda. Matod ni Engr. Lino Gonzales, labaw sa DPWH 4th LED, nga sa petsa 19 ning buwana ang bidding sa proyekto. Ang pag-ayo nagkantidad og P33 milyones. Dugang ni Gonzales nga ang buhatan sa DPWH central office ug Department of Transportation ang nagpirmahay og kasabutan sa pagpaayo sa terminal. Alang kang Gonzales dako nga tabang ang pagayo sa terminal ilabi na kay duna nay biyahe sa ayroplano sa Ormoc.