Unsay makaingon sa obesity
Mga tawo mahimong obese tungod sa nagkadaiyang mga rason. Tan-awa kining mosunod: 1. Daghang gikonsumo nga calories.
Ang katawhan karon mas daghan og gikaon kay sa nangaging mga henerasyon. Kini sa mga nasod ra unta nga adunahan, apan nahitabo na kini sa tibuok kalibutan. Ang pagkonsumo sa fastfoods ni-triple ug nisulbong usab og maayo ang pag-inom og softdrinks.
2. Sedentary nga kinabuhi.
Sa pag-abot sa telebisyon, computers, video games, remote controls, washing machines, dish washers ug ubang modernong mga gamit, ang mga tawo nagpuyo na sa sedentary nga kinabuhi, itandi sa ilang mga ginikanan ug apohan.
Sa una maglakaw ra ang mga tawo. Apan sa pagdagsang na sa mga sakyanan, nakalimtan na ang paglakaw bisan sa duol nga destinasyon.
3. Kuwang sa katug.
Mga pagtuon nagpakita nga kon ikaw kuwang sa katug, ang risgo sa imong pagka obese modoble. Kon ikaw kuwang sa katug, mosamot ang imong gana sa pagkaon nga resulta sa kausaban sa hormones.
4. Mga pagkaon nga moapekto sa endocrine.
Sa us aka pagtuon nagpakita nga ang fructose (us aka matang sa sugar) sa mga softdrinks makaapekto sa lipid energy metabolism nga hayan maoy makaingon sa fatty liver ug metabolic syndrome.
Ang di maayong pagkabalanse nga diet ug kakuwang sa ehersisyo maoy dakong mga hinungdan sa obesity ug metabolic nga mga sakit sa modernong katilingban.
5. Pagpahinay sa panigarilyo (ang panigarilyo mopugong sa gana).
Matod sa National Institutes of Health, di tanang tawo hinuon nga moundang sa pagpanigarilyo mosaka ang timbang.
6. Mga tambal nga makapabug-at sa timbang sa mga pasyente. /
medicalnewstoday.com