MR. AND MS. 2017 PHIL-ASIA UGMA
Mga nag-unang bodybuilders nga nagagikan sa Asia, lakip na ang 30 ka mga Koreans, ang magtigi sa padak-anay ug papormahay sa lawas sa Mr. and Ms. Phil-Asia International Bodybuilding Championship nga ipahigayon ugmang adlawa sa alas 4 sa hapon diha sa Mariner’s Court, Pier 1, dakbayan sa Sugbo. Si Dennis Delgado, ang chief
organizer sa maong kalihukan, mibutyag nga 17 ka mga kategoriya ang molangkob sa maong kompetisyon nga salmotan sa labing minus 200 ka mga kontestants nga nagagikan sa Korea, India, UAE, Japan, Malaysia, Singapore ug Pilipinas.
Kini mao ang Master’s Class 2& 1, Mr. Novice, Ms. Fitness, Juniors, Physique 2 & 1 in board shorts, Ms. Shape 2 & 1, Mr. Athletic 2 & 1, Ms. Figure, Ms. Physique, Men’s Bodybuilding Short, Medium & Tall Class & Mixed pairs.
Ang maong bodybuilding event maoy magsilbing qualifier sa Mr. World 2018 nga ipahigayon dinhi sa Sugbo sa Mayo 31-Hunyo 3 sunod tuig.
Kini maoy unang higayon nga ang Mr. World mahitabo dinhi sa Asia.
Hangtod ning pagsulat, moabot na ngadto sa 37 ka European countries ang mosalmot sa panagtigi kon 300 ka mga langyaw.
Ang Phil-Asia Bodybuilding Championship giila usab sa NAC International based sa Germany diin si Mr. Harald Hoyler ang president.
Miabaga usab niini ang NAC Philippines nga ubos sa liderato ni Mr. Patrick Tan ug sa Samahan ng mga Barbelista sa Pilipinas kansang presidente mao si Engr. Jun Tanyag.
Miabag usab ang Ensayao Gym Equipment, Supplements Hub, Nubreed Nutrition, Z Gainzlab, Ronie Coleman Products, Pro-Matrix, JFIT, Muscle Mate sports Gear, Dream Tan, Cebu Provincial Government, Emperador Deluxe & Ang Sinangag Station. Ang ticket P150.00.