Si Pogoy kaha ang Rookie of the Year?
Dako ang posibilidad nga ang Sugboanong si Roger Pogoy, lumad nga taga dakbayan sa Talisay, nga anaa karon sa TNT Ka Tropa maoy makalabni sa Rookie of the Year award sa 2016-17 season sa PBA. Apan kini magdepende kon ang Ka Tropa makalusot sa semifinals round. Hangtod ning pagsuwat, ang TNT nakigtinaktakay sa Rain or Shine Elasto Painters sa quarterfinals. Sa statistics, si Matthew Wright sa Phoenix Petroleum maoy nag-una sa maong pasidungong nga may 26.07 samtang dili halayo si Pogoy nga may 23.06. Ang guard sa Star Hotshots nga si Jio Jalalon maoy nahiluna sa ikatulong dapit (21.59). Ang paglaom ni Pogoy mihayaghayag human hingpit nga nataktak na ang Petroleum ug si Wright sa quarterfinals
round. Hinuon ang Star ni Jalalon nakasiguro na usab og luna semifinals. Tungod niini, sikit kaayo karon ang statistics sa tulo alang sa maong individual award./