P4 B GIPANGAYO NI QUISUMBING

Pormal na nga gipasa ni Mandaue City Mayor Luigi Quisumbing ang kapin sa P4 bilyones nga budget sa dakbayan ngadto sa Sangguniang Panlungsod kagahapon sa buntag.

Matod ni Quisumbing, ang annual budget maoy laing dako sa kasaysayan sa dakbayan.

“It is the largest budget in the city’s history but more importantly the largest investment in infrastructure in the city including over 250 million in drainage, primarily in Paknaan sa 6.5hectares areas sa outfall and along Mahiga Creek as part of our drainage master plan,” matod ni Quisumbing sa dihang nahinabi sa mga tigbalita.

Gipasabot ni Quisumbing nga dako ang iyang gigahin sa

infrastructure projects sanglit ang paggasto og mga proyektong inprastruktura gibase sa drainage master plan.

Grabe ang problema sa baha sa kadalanan sa Mandaue panahon sa ting-uwan.

“Ang atong infrastructure spending will be according to a

master plan, so that dili bitaw pataka ang atong paggasto sa kwarta,” dugang pa sa mayor.

Matod niya nga sa iyang gisumiter nga budget, nitaas pud ang pondo alang sa social services apan dako ang pag-ubos sa Maintenance and Other Operating Expenditure (MOOE), pasabot nga mas mominos ang biyahe sa mga kawani ug opisyal ug mominos ang team building seminars.

“Our actual budget is only about P2.6 billion but then we included man gud as part of our budget the loan that we are undertaking para sa new government center,” sigun ni Quisumbing.

Ang 2017 annual budget sa Mandaue niabot sa P2.4 bilyones. /